Page 71 - KPA - JUNI 8,2015

Damita mericano ta keda interna den
Intensive care despues cu un SUV a dale riba
su scooter y no a para pa su responsabilidad

Date: June 08, 2015
in: Local
Leave a comment
5 Views

Diadomingo den oranan laat di anochi, un agente policial ta topa cu un pareha mericano y nan ta
conta polis cu un ora prome nan yiu muher di 18 anja a bay cumpra un saco di Ijs y na altura di
Sunny Minimarket na Salinja serca ela wordo alcansa pa un SUV, cu no a para pa su
responsabilidad y a sigui core bay dirección noord, tambe nan a bisa polis cu nan yiu a keda
gravemente herida y ta interna den Intensive care unit. Mesora e ta avisa Centraal di polis cu ta
manda varios unidad di polis na e sitio unda e accidente a tuma lugar, na yega na e sitio polis ta
papia cu varios persona cu tabata testigo di loke a pasa y a mira cua auto a dal e mucha.
Testigonan a informa polis cu ta trata di un SUV color scur parse preto, e number di auto cu lo ta
cuminsa cu 273 y segunnan ta trata di un Toyota Prado, e chauffeur tabata pelon y cu
barba. Mesora polisnan a cuminsa cu un investigación, varios otro patruya a cuminsa core rond
den e área di bandi panort pa mira si nan ta topa cu e auto. Na un cas na Westpunt nan ta bin topa
cu un Toyota Prado blauw scur cu tabata cuadra cu e number cu testigonan a duna polis, tambe e
auto tabata tin e rastro banda robes unda e impacto tabata. E auto tabata staciona dilanti di e cas,
polis a bati na e porta di cas pero niun hende no kier a sali papia cu polis, no a keda polis nada
otro cu confisca e auto. Después di basta rato dos unidad ta sali for di Warda di Shaba y ta
bay bek na e cas na Westpunt y ta bay detene e chaufeur di e Toyota Prado, como sospechoso
den e caso di hit and run, E sospechoso ta wordo transporta cu transportwagen di polis pa warda
di Shaba. Aki nan e lo tin di bay duna cuenta di su acto iresponsabel.