Page 76 - KPA - JUNI 8,2015

Habitantenan a laga awa y habon bay riba caya y causa
accident

Publication: Monday, 8 June 2015. Categoria: Policial
Chens ta grandi nan mester bay paga tur gasto

ORANJESTAD(AAN): Den careda di 5:50 pm, Central di Polis a haya un informe cu banda di
Kamay 3-D tin un auto a dal y ranca un palo di luz y tambe un cura di cas.

Na yegada di partuya nan a bin topa un Toyota Camry blanco kibra na e parti dilanti. Polis a
tuma dato di e chauffeur, y el a relata na Polis cu riba e caminda tin awa di habon, y pa e motibo
ey el a slip y bay dal den e palo di luz.

E awa cu habon ta facil pa mira con hopi e ta, y ta bin di Semeleerstraat 33.
E awa di habon ta sali di e cas aki y parce cu esnan na e cas ey no a gusta cu Polis a bay atende
cu nan riba e awa cu nan ta laga bay riba caminda.
Pa ley na Aruba, ningun hende no mag di laga awa sali bay riba caminda publico.
Parce cu e hendenan di e cas aki no ta bon na altura. Tin chens grandi, cu kizas tur e gasto di e
accident y e palo di luz, lo bay cay riba cuenta di e habitantenan di e cas ey den Semeleerstraat.

http://www.diario.aw/2015/06/habitantenan-a-laga-awa-y-habon-bay-riba-caya-y-causa-accident/