Page 75 - KPA - JUNI 8,2015

E muher a bay polis pa entrega un denuncia y polis na Aruba, e otro islanan di Reino y Hulanda
a wordo poni na alerta.

Den corte huez a indica cu S.R no ‘schrijf su mes uit’ for di Censo y esey kiermen cu e no por a
inscribi su mes ni su yiu na Hulanda, unda cu el a bay.

Huez a puntra e homber si e no ta haya lamentable cu el a tene su yiu for di school y S.R a splica
cu e mes tabata duna e mucha les na cas. Segun e sospechoso, su yiu ta riba e nivel corecto di
lesa y skirbi.

E muher mes a splica na polis cu door cu financieramente e no tabata stabil, el a laga e mucha
biba cu su tata.

S.R di otro banda a indica cu el a bay cu e mucha, pasobra e muher no tabata bon mama. El a
splica tambe cu yiu homber di e muher lo a mishi cu e yiu muher na un manera inapropia.

Segun huez, e rapport di e caso ta mustra cu algo cu a sosode tabata entre otro cu e yiu homber
un biaha tabata masturba y e mucha muher chikito lo a wak esaki.

E muher a declara cu S.R semper tabata menaze ora cu nan tabata tin problema. E homber tabata
menaza di yama imigracion pe y e homber lo tabata maltrate.

S.R a wordo gara ora cu famia di dje mes na Hulanda a yama polis pa bisa unda e ta.

Polis a yega, a detene S.R y temporalmente a pone e mucha den man di mayornan di pareha
Hulandes nobo di e muher.

Huez a mustra e homber riba e hecho cu locual el a hasi cu su yiu, esta kite for di Aruba y su
mama, por causa e mucha problemanan psicologico.

Tratamento di e caso a tarda basta ora y huez na dado momento a indica cu lo sigui cue caso riba
11 di Juni.

http://www.diario.aw/2015/06/ex-polis-cu-a-secuestra-su-propio-yiu-muher-y-bay-biba-hulanda-cune-
a-presenta-dilanti-di-huez/