Page 18 - MIN JUS 22 FEB 2016
P. 18
AWEMainta Dialuna, 22 Februari 2016 5
Parlamentario Desiree de Sousa Croes DIAHUEBS mainta, siman pasa, Comison Fiho di Husticia a
Stichting Reclassering haya un presentacion hopi interesante di Stichting Reclassering
cu informacion valioso y di Aruba. Parlamentario di AVP, mr. Desiree de Sousa Croes,
peticion importante pa maske cu no ta custumber pa divulga e topiconan cu a keda
Comision di Husticia discuti, e kier comparti tog algun informacion y a emiti esaki
den un comunicado di prensa. Representantenan di Stichting
Reclassering a conta di nan trabou y e retonan cu nan tin.
Cu hopi atencion miembronan di Comision di Husticia a
scucha di e trabou basta dificil cu Stichting Reclassering tin
particularmente den guia hobennan cu a cay sera. A splica
di nan proyecto pa hobennan di biba bou guia di e Stichting.
Como cu e reunionnan
di Comisionnan Fiho di
Parlamento ta reunionnan
porta sera y di caracter
priva, no por duna
detaye di loke a wordo
papia, pero si por bisa cu
Parlamentarionan a haya
sa hopi di e trabounan di
Stichting Reclassering.
Como cu Stichting
Reclassering ta traha cu
mucha y hobennan cu a
cay den mal caminda y ta
guia nan pa nan por sea
caba un scol of haya un
trabou, nan ta preocupa
cu e stigma cu hobennan
cu a comete un delito tin
den comunidad. Esaki
ta haci’e hopi dificil
p’e hoben por haya un
trabou y rehabilita su mes
completo. Pesey mes nan
ta pidi prensa pa no publica
menornan di edad ora nan
ta sospechoso di casonan
castigabel sin censura e
potret. Cu e peticion aki
cu Parlamento tambe ta
kere den dje, a cumpli e
mes atardi den forma di
un mocion pa Minister.
Un mucha ainda por
drecha su bida y ta
importante pa dune e
oportunidad pa haci esaki
sin marke pa semper dor
di publica su potret no
censura. Ta na comunidad
pa duna un hoben un
second chance den bida
p’e por drecha su bida.
Comision Fiho di Husticia
ta spera cu prensa por
coopera cu esaki y pone
un balki dilanti wowo
di sospechosonan cu ta
menor di edad, segun
Desiree de Sousa Croes.
