Page 20 - MIN.OTMAR ODUBER

AWEMainta Diasabra, 02 April 2016 15

Diadomingo awo

Pasa bishita e prome
Mercado Santa Rosa y
disfruta di tur locual
nan tin pa ofrece

TUR COS ta den ful preparacion pa nos prome

Mercado Santa Rosa cu lo tuma lugar diadomingo
awo, 3 di april na Santa Rosa. Asina ta duna espacio pa
nos productornan local por tin mas cosecha posibel pa
diadomingo awo tin productonan fresco pa por ofrece
na nos bishitantenan.

Nos ta haci un apelacion tambe na nos productornan
cu kisas tin productonan cu por wordo bendi durante
di nos mercado manera fruta y/of berdura por tuma
contacto cu Santa Rosa pa informa nos kico ta e product
of productonan cubo ta bay tin pa bende pa nos por tin’e
riba lista pa nos prome mercado diadomingo awo.

Esnan cu ta traha obranan di man cual ta nos Artesanonan
semper tin lugar pa nan por expone nan obra durante
di nos mercado. Preferibel obranan di man traha pa nos
hendenan local.
Esnan cu tin mata pa bende ta semper bon bini den nos
mercado pa por ofrece nos bishitantenan di mercado
un of otro tipo di mata pa haci nan hogar mas bunita.

Nos criadornan di bestia cu ta bin ofrece carni fresco sea
ta di Cabrito, Carne, Baca of Porco tene bon cuenta cu e
bestia mester ta mata na Abattior.
E stempel oficial di Abattior mester ta visibel rib’e carni
cu el a wordo “goed gekeurd” y totalmente sano pa
consumo local. E carni mester ta tambe di tal manera
bon paketa poni den saconan di plastic y poni den un
freezer pa esaki keda na un temperatura adecuado cu
esaki ta rekeri.
E freezer bo mester bin cu ne cu e carninan aden pa por
wordo bendi cu publico.

Remedinan di tera cu ta wordo prepara pa nos hendenan
local sigur semper bon pidi den nos mercado.
Un recordatorio pa tur hende cu ta bin cu nan product pa
benta yega trempan pa organisa bo tent y tur locual bo ta
bay ofrece na tempo pa nos no mester haya stagnacion
durante cu e publico cuminsa drenta y cana rond den
nos mercado.
Asina cu bo ta cla di set up bo tent, pone bo vehiculo na
un lugar caminda cu e no ta stroba.

Pasa bishita nos diadomingo awo na nos prome Mercado
Santa Rosa cu lo cuminsa for di 9’or di mainta te cu 2’or
di atardi.
Bin gosa di bon ambiente familiar y disfruta di tur locual
tin pa ofrece.