Page 16 - AAA

Ministerio di Turismo cu strategianan nobo pa Turismo
Crucero pa 2016 en adelante

Tuesday, 14 April 2015 16:43
Comparti

Minister di Turismo Otmar Oduber ta splica riba e strategianan cu ta trahando riba dje na e
momentonan aki pa loke turismo crucero.
E mandatario a indica cu ta trahando riba dos strategia. E prome ta pa bishita barconan cu ta mas
chikito, pero cu ta di un entrada mas grandi y ta barconan mas luhoso. Por pensa riba barconan mas
chikito pero cu ta haci tripnan mas largo y purba wak si nan por haci 2 pa 3 calls aki na Aruba pa aña. E
di dos strategia ta pa atrae e barconan Europeo cu lo por haci calls na Aruba.
Tambe Minister Oduber a splica un tiki riba e bishitanan cu a wordo haci na Disney Cruiselines, caminda
na 2017 lo por nota sigur un incremento di e barconan aki pa Aruba. Ta trata aki di negociacionnan cu ta
andando pa mas o menos un aña. No por a wordo confirma pa 2016, pero lo miranan pa 2017 den nos
wafnan.
Di e forma aki continuamente e comite di crucero ta bishita e lineanan crucero pa mira posibilidadnan cu
por wordo crea, manera barconan mas grandi cu nos lo mira drenta tambe den 2016, e mandatario ta
bisa.
Minister di Turismo a splica tambe cu manera cu e area di cargo muda bay Barcadera lo crea e espacio pa
barconan mas grandi, mirando cu awor aki ta core cu perdida ora nos waf ta yen y asina lo keda perde
posibilidadnan. Pa evita esaki ta purba match mas cu ta posible cu tanto Corsou y Boneiro cu ta subiendo
mas y mas cabes tambe den esaki . Ora no por tin espacio na Corsou mester crea e posibilidad pa por
manda e barconan aki Boneiro pa logra tog pa no perde,pasobra un di e otro islanan no tin caminda di
para e barconan aki.
E mandatario a mustra riba e hecho cu sigur lo bay mira un trend positivo y esey ta un di e metanan
tambe di bay cu e waf di carga Barcadera pa por crea mas oportunidad y mehora e experiencia ainda mas
di e bishitante una bes cu e yega Aruba.

http://www.24ora.com/politica-mainmenu-18/94070-ministerio-di-turismo-cu-strategianan-nobo-pa-
turismo-crucero-pa-2016-en-adelante

A conoce un crecemento di 20.2% den promer cuartal di
2015

Tuesday, 14 April 2015 14:11
Comparti