Page 18 - AAA

bishitante di Europa a disfruta di nos isla durante e promer cuartal di 2015.
Hulanda a baha cu 8.7% (840 turista menos cu e mesun periodo na 2014). Un total di 8810 Hulandes a
bishita nos isla. Alemania a subi cu 15% compara cu 2014, cu 130 turista mas pa Aruba. Un total di 994
personanan Aleman a bishita nos isla. Inglatera a trece 830 turista pa nos isla, cu ta 7.8% mas (60
bishitante) cu aña pasa, durante di e promer 3 luna nan di e aña. Italia a baha cu 8.9% turista compara cu
e promer cuartal di 2014. Un total di 914 Italiano a bishita nos, cu ta 89 menos cu aña pasa den e mesun
temporada.

Pa promer cuartal di aña 2015, Europa a representa 5.9% di e total di turismo pa cu nos destinacion.
Turismo Crucero
Pa loke ta turismo crucero, pa promer cuartal di aña 2015 un total di 214,992 pasahero a bishita nos isla,
esaki ta 16.5% menos cu e promer cuartal di aña pasa. E waf di Aruba a yama bonbini na un total di 34
calls di e cruceronan. Factor nan cu no a contribui na e luna di Maart ta e hecho cu Carnival Sunshine a
cancela un call pa via di biento fuerte (3,006 pax) y Zuiderdam di HAL a reserve pa 2 call, pero a bishita
un biaha so (1848 pax).
Aña 2016 lo ta un aña record pa Turismo Crucero

Manera informa durante di un rueda di prensa Dialuna ultimo e proyeccion pa e aña aki ta un total di
615,524 pasahero cu ta equivalente na un caida di 7.7% compara cu aña pasa. E outlook ta 2016 ta uno
fuerte un cu lo nifica un ‘record nobo’ pa Aruba: un total di 705,544 pasahero cual ta equivalente na un
crecemento di 14.6% compara cu 2015 y un crecemento di 2.5% compara cu e aña record pa Aruba cu ta
2013, unda Aruba a ricibi un total di 688,472 turista crucero.
Esfuersonan di Aruba Tourism Authority
E crecemento stabiel di nos turismo ta un confirmacion mas y ta refleha cu e esfuersonan cu A.T.A. hunto
cu partnernan den turismo ta haciendo ta fructifero y ta trece bon resultado pa e industria y cu esaki, pa e
economia di Aruba. Tur mercadonan tin su oportunidadnan y retonan, pero ta trata di capitalisa y na su
turno contra aresta unda cu por di e miho manera posibel.

Riba e grafico por mira con turismo stay-over a crece pa e ultimo 6 añanan durante e promer cuartal di
cada aña.

http://www.24ora.com/local-mainmenu-5/94063-a-conoce-un-crecemento-di-202-den-promer-cuartal-
di-2015