Page 35 - flip min.on

Chris Romero: Gabinete Eman mester carga e ahustacionnan
di SKOA y no mayornan

W ednesday, 11 March 2015 18:28
Comparti

Siman pasa varios mayor a ricibi un carta for di SKOA prescirbiendo con e pago di schoolgeld lo mester
tuma lugar den e siguiente lunanan y pa 30 di Juni 2015 e mester ta completamente paga.
E motibo segun e carta ta pa garantisa cu cuponan pa e aña escolar 2015/2016. Realidad ta cu e aumento
aki ta uno drastico y siguramente e lo bay bira dificil pa mayornan cumpli cu esaki. Tempo cu mi mes
tawata duna les tawatin varios mucha cual nan mayornan no por a cumpli cu e tarifa existente,
imaginabo e aumento drastico di 233.33% aki. Den e carta ta poni cu SKOA lo aumenta schoolgeld pa
eleva y mehora calidad di enseñansa pa alumnonan. E ponencia aki den nos opinion no ta na su lugar y
tampoco ta cuadra cu e realidad pasobra si ta mehoracion bo kier contribui cune no ta na e mayor bo
mester acudi sino na gobierno. Enseñansa ta liber y ta hancra den nos constitucion. Ademas no mester
lubida cu leerplicht ta na vigor cual ta nifica cu bo no por yega haci un aumento y spera cu mayornan lo
bay cumpli cu esaki. Un gobierno responsabel lo mester por inverti por lo menos 6% di GDP manera
cu mundialmente ta wordo stipula. Ademas di esaki ta rekeri pa haci un estudio tambe dirigi riba entre
otro maneranan pa haci enseñansa aun mas atractivo pa nos studiantenan cual un
“digitale leeromgeving” mes ta un proposicion pa considera cu ta uno moderno, atractivo y lo
minimalisa gastonan den futuro. E problema di SKOA ta su situacion financiero pa diferente motibo
entre otro no tawata entrega jaarrekening na tempo y gobierno no tawata subsidia manera debe ser .Cu
mester bin ahustacion ta un realidad mirando cu costo di bida a aumenta pero no mester bay cerca
mayornan pa esaki sino cerca gobierno!

Comentarionan (2)

Mustra/Kita comentarionan
Husgabomes
March 11, 2015
2 0 1 .2 2 9 .2 9 .9 1
Votes: +0

...
No ta husto cu Gobierno tin di bay paga cu placa di belasting pa mal maneho financiero di SKOA. Di con otro
schoolnan. Aki na Aruba no tin e problems aki cu SKOA tin ? Di otro banda por bisa cu tur a anyanan anterior e
Mayornan a paga menos cu nan mester a paga, pues awor nan tin di haal in loke nan no a paga. Gobierno no ta
responsabelnan pa mal maneho di otro y aki no por crea un precedente tampoco.
e berdad tristo