Page 49 - EXTRA 26 OCT,2015

Djaluna 26 òktober 2015 49
SGTK a aseptá e
SOSEGA NA PAS proposishon kaba

MEDIADO SPESHAL
PENDIENTE KONTESTA

ASOSIASHON
KONTRATISTANAN

WILLEMSTAD.- E
siman aki, djamars pa
ta mas eksakto mediadó
speshal Randolph
Gijsbertha a keda di haña
kontesta di Asosiashon di
Kontratistanan di Kòrsou
riba su proposishon pa pone
fin na e konflikto ku a surgi
entre Sindikato General
di Trahadónan di Kòrsou i
kontratistanan aktivo riba
terenonan di Refineria Isla
i Curaçao Oil Terminal.
Mediadó speshal Gijsbertha
a intervení despues ku
trahadónan a drenta akshon
i a blòkiá entradanan di
Isla na Post 5. El a sinta ku
partidonan i a haña tende
ku motibu dje konflikto ta
e benditu pago di un bónus
di 6% ku kontratistanan ta
dispuesto pa paga despues
ku Refineria Isla paga nan e
prima aki. Mediadó speshal
Gijsbertha despues dje
reunionnan ekstenso aki
a pidi sifra pa por a traha
un proposishon ku a bai fo’i
siman pasá pa e partidonan
den e konflikto. SGTK
segun nos por a komprondé
a pidi sierto ahustenan
den e proposishon loke
mediadó speshal a hasi
entretantu i e sindikato
konsekuentemente a
aseptá e proposishon.
Kontratistanan a pidi
mas tempu pa studia e
proposishon i a keda di
reuní den nan seno djaluna
pa informá mediadó speshal
Randolph Gijsbertha pa mas
tardá djamars.