Page 23 - Min.On 11 March 2015

Michelle Hooyboer Winklaar: Mi ta contento cu nos ta
comparti e mesun vision pa futuro di Havo/Vwo

Tuesday, 10 March 2015 17:32

Comparti

Recientemente Minister Hooyboer-Winklaar a ricibi e rector nobo di Colegio Arubano, sr. Hans
Timmermans, pa un bishita di introduccion.

Sr. Timmermans a wordo acompaña pa sr. Jossy Lacle kende ta e presidente di e directiva di SMOA, cu
ta e directiva di scol cu ta maneha Colegio Arubano. Minister Hooyboer-Winklaar tabata contento di
por a ricibi e rector nobo di Colegio Arubano pa asina conoce otro y intercambia di pensamento riba
diferente topico riba nivel di enseñansa. Sr. Timmermans ta originalmente di Hulanda y tabata na Aruba
pa un bishita cortico prome cu e bin establece su mes na nos isla pa cuminsa cu su reto nobo na luna di
mei proximo. Na september ultimo SMOA a informa Minister Hooyboer-Winklaar di e procedura di
solicitud pa un rector nobo pa Colegio Arubano. Sr. Timmermans a wordo selecta despues di un
proceso largo y intensivo como e miho candidato for di 31 candidato cu a aplica pa e posicion di rector.
Sr Timmermans ta actualmente rector di Alfrink College na Zoetermeer y tin amplio experencia den
enseñansa. Despues di a ricibi e peticion formal pa subsidio for di SMOA na december 2014 Minister
Hooyboer-Winklaar a duna su aprobacion teniendo na cuenta e reglamentonan existente. E encuentro
entre e titular di enseñansa y e rector nobo y presidente di SMOA a bay hopi positivo. Un topico di
suma interes pa ambos e mandatario y pa SMOA cu a ser discuti ta e desaroyo di un trayecto bilingual
pa HAVO/VWO, cu e opcion di Ingles como idioma di instruccion. Sr. Timmermans ta bin di un school
bilingual y ta mira e importancia pa Colegio Arubano evalua e concepto aki pa por
posiblemente implementa esaki den futuro. Minister Hooyboer-Winklaar a mira e concepto aki den
practica durante un bishita di trabou na St. Maarten y a keda hopi impresiona. Na Hulanda y na demas
pais den reino awo tin varios scol cu ta afilia na e Dutch Network of Bilingual Schools y ta forma parti di
e proyecto Tweetalig Onderwijs (TTO) cu ta ser sosteni door di Europees Platform. E proyecto ta stimula
enseñansa bilingual y e componente internacional den e curiculo door di brinda entre otro cuidadania
mundial y door di stimula intercambio. Sr. Timmermans a comenta cu e scol cu e ta encabesa
actualmente tambe ta ofrece e IB-program den e prome añanan di VWO. Esaki ta un programa
internacional y prestigioso di The International Baccalaureate Organization. E IB-program ta un curiculo
international cu ta ser ofrece actualmente na 3800 school na 147 pais na mundo. E programa ta