Page 24 - Min.On 11 March 2015

conduci na diferente certificacion y diploma cu ta ser reconoci pa tur Universidad internacional.
Minister Hooyboer-Winklaar ta convenci cu esaki ta e direccion cu Aruba mester bay pa por diversifica
nos enseñansa y brinda mas opcion na nos hobennan y ta contento cu SMOA y e rector nobo ta
comparti e mesun vision aki. Durante e encuentro tambe a toca e diferente retonan cu nos enseñansa
tin actualmente, specialmente na nivel di enseñansa secundario. Minister Hooyboer-Winklaar tabata
interesa pa sa e perspectiva di sr. Timmermans, siendo rector di un school grandi na Hulanda y alabes
un ex-alumno di Mavo su mes, riba e topico di conexion entre Mavo y Havo. Tambe a toca e tema di
“aanscherping” di e exigencianan di examen y ampliacion di e curiculo di Havo/Vwo mirando cu sr.
Timmermans desde mei lo ta encarga cu gran parti di e implementacion di tur e cambionan aki pa
Colegio Arubano. Minister Hooyboer-Winklaar ta haya importante pa e rector nobo for di un principio
ta na altura di e diferente desaroyonan pa asina hunto nos por yega na e solucionnan mas duradero pa
nos enseñansa y pa nos hobennan. Hunto cu e presidente di SMOA a palabra cu lo facilita sr.
Timmermans cu tur informacion pa asina e por ta envolvi den e diferente procesonan cu
ta andando. Mester menciona cu desde comienso di aña nobo Minister Hooyboer-Winklaar y SMOA ta
bek na mesa pa sigui delibera riba diferente punto. Minister Hooyboer-Winklaar ta indica cu e
deliberacionnan ta bayendo bon mirando cu e acercamento ta uno constructivo. “Nos tur ta traha na
bienestar di enseñansa y ami como e minister encarga semper mester tin e interes general na prome
luga” Minister Hooyboer-Winklaar ta enfatisa. E interes general ta pa tur alumno den nos sistema
educacional por yega na e maximo di nan potencial, pero pa por logra esaki nan tur mester haya un
“fair” chance y e guia y sosten adecuado segun e mandatario. Minister Hooyboer-Winklaar ta indica di
semper a mustra su disponibilidad y compromiso pa inverti den e condicionnan pa por haci esaki
posibel y ainda esey ta e punto di salida. Tin hopi trabou pa realisa, riba tur nivel den enseñansa, pero
solamente cu e compromiso, confiansa y sosten di tur partner nos por logra e resultado cu nos tur kier,
Minister Hooyboer-Winklaar a conclui.

http://www.24ora.com/politica-mainmenu-18/92720-michelle-hooyboer-winklaar-mi-ta-contento-cu-
nos-ta-comparti-e-mesun-vision-pa-futuro-di-havovwo