Page 19 - MIN JUS_Neat

Monday, 17 July 2017 14:04
1

Comparti

Otro punto cu a haya atencion ta e punto di afpakteam, durante di e JVO Overleg cu a tuma luga na St.
Maarten, unda cu minister Dowers a participa representando Aruba, hunto cu e demas paisnan den
reino. Corsou tin un afpakteam cu ta funcionando basta tempo caba y bastante efectivo. Pais Aruba su
afpakteam a wordo lanta y tin cu bisa cu dunando tambe bon resultado caba.

Sin embargo tin basta caminda pa cana ainda y tin cu bisa tambe cu e minister ta contento cu esaki a
wordo logra. Na St. Maarten nan no ta asina leu ainda, pero tin basta oposicion pasobra tin hende cu no
ta compronde e posicion y framework legal di cual e afpakteam ta actua. Akinan tambe mester duna mas
splicacion riba e aspecto ey. Esaki ta trece hopi nerviosismo bao di cierto criminalnan den nos pais y
cierto hendenan, hasta den cierto ramonan politico por ripara cu nan ta nervioso, pasobra cu cierto di
nan, por ta sponsornan, no ta mucho contento cu esaki. Por mira tambe cu tin hende ta pone basta
presion pa e minister di husticia aki bay pa nan kere cu cos por bira manera antes. E trabaonan cu nan ta
bin ta desplega awor aki y e forma cu a bin ta traha,e situacion cu a wordo conoci prome cu Dowers ta
minister di husticia, no ta bay cambia. Ta bon pa nan cuminsa custuma cu esey, pasobra e forma con e
cooperacion ta bay por ehempel na JVO y den Reino, ta bay garantisa cu ningun hende no por bin mete
la pata directamente den nos sistema hudicial nunca mas. Prizon Di un otro banda, un tema hopi
importante cu a wordo trata, ta e tema di cooperacion entre diferente islanan pa loke ta trata e tereno di
prizon. A pidi e inspectie di gevangeniswezen di Hulanda pa nan por yuda na evalua e situacion di nos
prizonnan.

E rapport cu a wordo saca ultimo ta duna toch un adelanto riba diferente aspecto di e maneho di nos
prizon. Aspectonan fisico logicamente ta keda un parti di preocupacion, pero e parti caminda cu ta mira
cu a bay dilanti ta e preparacionnan cu ta wordo haci pa por garantisa cu un participacion di esnan deteni
den e proceso di rehabilitacion y e actividadnan cu ta tene nan for di e celnan cera henter dia. Esey ta un
di e puntonan importante. Tin varios punto pa logra ainda y un di e otro temanan cu a bin padilanti
tambe ta, den e mesun contexto di e cooperacion den prizonnan ta, cu mester bay dedica mas atencion na
e aspecto di e prezo cu tin un problema psicologico, psickiatrico. Sa cu esaki ta un tema den pasado a bin
padilanti, pero cu ta costa hopi placa y cu Hulanda a kita for di mesa. A logra bek di pone riba mesa. A
palabra riba un comision cu ta bay evalua kico ta e miho forma, ki regimen por wordo crea pa futuro,
caminda cu paisnan, conhuntamente lo por bay garantisa e cuido y guia na personanan cu problemanan
psicologico social y psikiatrico. Di otro banda Hulanda a demostra nan disponibilidad na e momento aki
y a ofrece nan experticio specifico cu nan tin pa e tema aki y JVO, tur e otro partidonan a keda
sumamente contento cu esaki tambe, cu por conta riba e sosten aki. Pasobra cu con cu bay bin nan tin
mas experiencia riba e tereno aki.