Page 13 - AHATA

Vicky Perez di Book it Vicky: Aruba a destaca como pais
dentro di mundo turistico

Saturday, 01 July 2017 20:37
1

Comparti

Vicky Perez ta directora di e compania Book it Vicky na Aruba. E ta conta di e esfuerso cu nan ta haci y e
reconocimento cu nan ta duna pa nan presencia den exterior, promoviendo naturalmente e isla.

Perez ta splica cu pa e compania ta un orguyo representa Aruba den tur e eventonan internacional, unda
cu ta tuma luga tur loke tin di haber di e mundo di turismo. Na e momentonan aki Book it Vicky por a
logra despues di un trabao duro, tin un reconocimento unda cu Aruba a destaca of a pone su bandera
como pais, dentro di e mundo turismo den America Latina y Caribe.

Loke ta e organisacion mundial di turismo pa esnan cu no sa, ta un organisacion loke ta yama OMT cu ta
dentro of di e mesun bara, unda cu por haya e Organisacion di Estadonan Americano of Unesco y tambe
ONU. E organisacion aki ta dividi e paisnan den cuater seccion, cual ta e seccion di Europa, America y
Canada, e seccion di Asia y e seccion di America Latina y Caribe.

Kico a pasa

Aruba, manera tur sa, semper tabata bao di Hulanda y semper a wordo yama Antia Hulandes. Dentro di e
concepto aki, Aruba no tabata tin un voz y un voto dentro di e organisacionnan como pais, sino cu tabata
haci’e cu Antias y den representacion e voz y voto di e pais Hulanda.

Kico a wordo haci

Un aña atras a bin ta traha pa demostra na e organisacion aki cu Aruba ta un pais, si ta pertenece na
Hulanda, pero ta un pais dentro di Caribe cu nos economia mas importante ta turismo. E aña aki un
siman atras, nos a logra cu e hunta directiva di Cotal, cu ta e confederacion di operacionnan di turismo di
America y Caribe, a wordo reconoci como pais. Es decir na e momentonan aki, Aruba ta wordo organisa
den e confederacion cu ta uni na e organisacion mundial di turismo como Aruba y no como Hulanda.