Page 14 - AHATA

Vicky Perez promoviendo Turismo: Si mi promove Aruba den
exterior nifica mi ta traha pa tur hende riba e isla

Saturday, 01 July 2017 20:28
1

Comparti

Vicky Perez, directora di Compania Book It Vicky, a splica cu durante un di e cosnan cu semper el a haci
hopi y esaki personalmente, no su ekipo di trabao, ta bay na e eventonan cu Aruba no ta bay como
destino.
Manera e bolsa turistica di Caribe cu a tuma luga na Republica Dominicana, unda cu tabata tin diferente
pais invita y for di eynan a haya negociacionnan pa Aruba manera operadornan y agencianan di biahe cu
no tabata bende Aruba como pais, manera Panama. Aunke cu tin Copa Airlines cu ta yega Aruba, loke
nan ta haci ta uni tur nan hendenan cu ta bin di Argentina, Bogota, nan ta yega Panama como hub y ta
trece Aruba. Sinembargo Panama mes no a haci un trabao di e desaroyo di e destino Aruba, cual loke
Book it Vicky ta haciendo. Paisnan manera Nicaragua, Costa Rica, Mexico, El Salvador, ta paisnan cu nos
tin e aerolinea cu ta Copa, pero cu nan no sa cu nan por bin Aruba y cu nan tin Aruba den un sentido cu
ta un pais hopi caro. Na e momentonan aki a mustra, a haci presentacion, entrenamento unda cu ta
mustra cu Aruba tin no solamente un infrastructura hotelero espectacular, sino cu tambe nos tin loke nan
ta yama e casnan vacacional y Tiera del Sol, Gold Coast. Tin tambe un mini Manhattan, pasobra nos isla
bunita, tin mas di 300 restaurant cu ta haci e desaroyo gastronomico di nos isla espectacular. Cu nan por
wak no solamente pa e personanan cu tin un presupuesto halto, pero pa esnan cu tin un presupuesto
mediano y abao.
Reaccion

E reaccionnan tabata excelente. A manda un promocion recientemente pa e agentenan di biahe cu ta
pertenece na Cotal, pan nan sa. Na e momentonan aki Cotal, tin 3000 afiliado di agencia di biahe den
henter America Latina y for di e promocion nan ta ricibi un cantidad di persona unda cu nan tabata
interesa den e producto aki. Y cu nan no tabata sa cu nan por a haya un producto asina economico na
Aruba. E ora Perez ta pensa cu no solamente ta e esfuerso cu ta wordo haci como Book it Vicky, operacion
of como negoshante, pero e esfuerso cu ta wordo haci pa nos isla. Di pronto Perez no ta pertenece na
ningun clase gubernamental di Aruba di e oficina di Turismo, pero e ta traha pa Aruba, pasobra si e ta
traha pa Aruba, ta pa tur hende, Perez a finalisa.