Page 19 - UTILITIES_Neat

N.V. Elmar ta keda explora formulanan pa sigui innova. Cu esey den mente, lo
bay lansa nan producto nobo, “SmartUp”. E producto aki ta un servicio di
prepago cu ta uza “Smart Meters” cu ta forma parti di e “Smartgrid” di nos

compania nacional di distribucion di coriente. Elmar ta haci uzo di e tecnologia
“wireless” pa comunica cu nan y tambe cu varios otro sistema.

E producto aki ta den cuadro di e plan strategico di Elmar, pa duna clientenan e

posibilidad di haya acceso na informacion di su servicio prepago 24/7 haciendo
uzo di un portal y ricibiendo mensahe di SMS y e-mail. Di e forma aki Elmar ta

brinda su clientenan un miho servicio.

E meter prepago no ta algo nobo pa clientenan di Elmar, mirando cu a introduci

esaki na final di aña 2013. Cu introduccion di e producto SmartUp, e cliente lo
tin acceso ‘real-time’ na tur su informacion y por maneha esaki for di su cas

mes.

E departamentonan di ICT, Customer Service y e departamento tecnico di Elmar
ta trahando hunto riba e proyecto di SmartUp, cu entretanto ya ta den su fase

final. Den e proximo simannan Elmar lo suministra mas informacion di e
producto nobo SmartUp, con e lo traha y tur e beneficionan pa clientenan y con
por aplica pa e producto aki.

ELMAR a celebra 66 aña di existencia na November ultimo y ta conta cu un total

di 165 empleado den servicio directo di e compania. Siendo nos compania
nacional distribuido di coriente, ELMAR ta inverti alrededor di 20 miyon florin tur

aña den mantencion y actualisacion di su red di electricidad. Cu lansamento di
servicio y productonan nobo, ta demostra cu no ta dedica atencion solamente

na aspectonan tecnico y di infrastructura, sino tambe na e nivel di servicio
eficiente y moderno cu ta brinda clientenan diariamente.