Page 61 - KPA 21 SEPT 2015

Atraco violento pafo di Paseo Herencia a spanta turistanan

Publication: Monday, 21 September 2015. Categoria: Policial

ORANESTAD (AAN): Un momento di panico, cu gritamento y varios turista na careda, tabata
visible Diasabra anochi algo despues di 7’or riba Irausquin Boulevard, net na e skina di Paseo
Herencia Mall y La Hacienda Mall.
Diasabra anochi, diripiente tres hende homber cu cara tapa y arma di candela den man como
tambe machete, a drenta na un forma di mob den Kristie’s Jewels.
E joyeria aki ta situa den Paseo Herencia Mall, net banda di Starbucks. E ta e joyeria cu ta net na
skina di e mall banda pafo.
E hombernan violento di e forma ey a tira atraco riba e joyeria cu e trahadornan aden, como
tambe cliente. Aunke nan ta cara tapa, tog tin indicacion fuerte cu nan ta di habla hispano.
Na un forma rapido, nan a horta varios prendanan y e sospechosonan despues di a comete nan
ladronicia a core bay e caminda banda di e negoshi mes direccion pariba na pia, y aki subi un
auto blanco. Algun hende a describi e vehiculo como un Toyota Yaris.
Alarma a keda bati unda autoridadnan a presenta basta lihe mes. Mientras cu otro patruyanan
riba caya a cuminsa busca pa e auto cu sospechoso aden, y a check varios auto blanco chikito,
pero nada.
Atraco team a presenta pa haci nan investigacion, y personal di Slachtofferhulp a bay pa yuda
algun di e personanan cu a presencia e atraco y a keda den shock.
E botin cu nan a bay cune, lo tin un balor di como miles di Florin.
http://www.diario.aw/2015/09/atraco-violento-pafo-di-paseo-herencia-a-spanta-turistanan/