Page 62 - KPA 21 SEPT 2015

Cuerpo Policial ta “adopta” muchanan di Imeldahof

Publication: Monday, 21 September 2015. Categoria: Policial

ORANJESTAD (AAN): Inspira pa e programa
“My Brother’s Keeper” cu ta existi pa algun tempo caba den diferente Cuerpo di Polis na Merca,
Cuerpo Policial di Aruba a dicidi di simbolicamente “adopta” e muchanan di Imeldahof.
E programa ta hopi amplio di caracter y ta encera un contacto hopi estrecho cu e muchanan
personalmente, cu ta inclui presentacionnan, momentonan cu agentenan policial ta bishita nan pa
comparti un momento cu nan y duna nan conseho, pero tambe bishitanan na school y
combersacionnan cu nan docentenan pa sigui nan progreso y desaroyo.
Polisnan di varios departamento mesora a mustra interes pa participa den e proyecto social aki.
Imeldahof ta hopi contento cu e bunita partnership aki. Maurits Dijkhoff ta un groepsleider pa 18
aña caba na Imeldahof y a expresa cu e ta contento di por ta e persona di contacto pa cu e
programa aki.
El a splica cu e muchanan a haya hopi presentacion caba, entre otro di ambulance y un hoben
artista di teatro y arte y esun aki cu Arumil ta sigur entre esunnan mas impactante. Tin algun
mucha cu expresa cu nan kier bira marinier tambe, el a agrega.
http://www.diario.aw/2015/09/cuerpo-policial-ta-adopta-muchanan-di-imeldahof/