Page 26 - Min.Vos 5 Feb"15

Segun Lativa Mercera: Rash di chikungunya por parce
sarampi pero e ta compaña cu dolor fuerte di joints

W ednesday, 04 February 2015 20:00
Comparti

Den conferencia di prensa di DESPA relaciona cu e cifranan cu tin te aworaki riba casonan di dengue y
chikingunya, Lativa Mercera di Malesanan Contagioso a splica cu manera Eugene Maduro a bisa, den
region di Caribe e casonan ta aumentando.
DESPA ta manda informacion y mensahe di alerta pa docternan di cas y specialistanan y nan ta
cooperando bon, sin embargo tin personanan den nos comunidad cu a haya e malesa via cu su bisinja a
haye y esaki a plama y nan ta yama DESPA pero nan ta bisa cu nan sa cu tin e malesa anto no tin nodi pa
nan bai docter. Dra. Maritza Ordonez cu ta traha tambe na Malesa Contagioso, ta yuda den esaki
papiando cu esnan cu yama puntra nan si nan a bai afo, na ki lugar y pa cuanto dia pa por tin un idea di
cuanto caso di chikungunya of dengue ta drenta Aruba. El a splica cu chikungunya ta un virus hopi
fastioso y ta parce dengue masha hopi mes. Tambe a tende cu tin sarampi na Aruba pasobra e rash di
chikungunya ta parce esun di sarampi. Pero chikungunya ta duna dolor di joints cu e pacient no por lanta
foi cama mes. Nan ta pidi e docternan pa diferencia entre sarampi y chikungunya. Hopi hende ta yama
bisa cu nan a haya e virus dos of tres luna pasa y ainda nan tin hopi dolor di joints, y nan kier sa kico por
haci pa yuda nan mes.

http://www.24ora.com/local-mainmenu-5/91441-segun-lativa-mercera-rash-di-chikungunya-por-parce-
sarampi-pero-e-ta-compana-cu-dolor-fuerte-di-joints

Accion na 2014 a bai bon y ta trahando caba riba accion pa
2015 pa combati sangura

W ednesday, 04 February 2015 02:11
Comparti

Clayton Croes ta beleids medewerker y director suplente di GKMB. Den conferencia di prensa el a splica
cu nan a sera aña 2014 di cual por ta hopi orguyoso cu nan accion, compara cu e otro islanan di nos