Page 27 - Min.Vos 5 Feb"15

region.

El a splica cu for di comienso cu nan a tende cu tin caso di chikungunya den nos isla GKMB a tuma e
iniciativa di intensifica nan accion y cambia e procedura cu nan ta usa pa loke ta dengue y por mira cu
berdad e resultadonan ta positivo y nan ta spera cu esaki sigui duna fruto den 2015. El a bisa cu e
dokternan ta cooperando y GKMB ta cooperando y nan ta spera cu e comunidad tambe ta coopera. Esaki
pasobra ta di lamenta cu ainda nan ta hayando criadero den casnan y tin cierto casnan caminda tin 5 of 6
criadero loke kiermen cu e poblacion di sangura den e bario ta hopi grandi mes y hopi molester den e
bario. Jammer cu tin hende cu no ta coopera y ta causando hopi molester y peligro den bario y pa nan
mes famia, sea pasobra nan no ta conciente di e problema aki. El a papia tocante un plan di accion cu
GKMB conhuntamente cu full departamento di Salud Publico ta bezig ta preparando, y esaki ta pa un
ultimo biaha nan bishita tur e barionan unda cu tin mas criadero y casonan positivo di dengue y
chikungunya. Nan ta conta cu ayuda di map di CBS y nan por identifica exactamente e lugarnan cu nan a
encontra cu criadero y caminda nan a splica hopi biaha caba kiko mester haci pa deshaci di nan.
Autoridad lo tey tambe pa parti boet caminda ta necesario e biaha aki. Fuera cu tin hende cu no ta
coopera, tambe tin e problema di terenonan habri cu tin sushi riba dje manera tire y frishidairenan bieu.
Tambe tin e problema na Dakota di rioleren cu ta tapa cu awa di yobida y GKMB ta pidiendo cooperacion
di DOW pa haci nan limpi pa asina tur hunto por elimina e criaderonan y e sangura cu ta transmiti e
virusnan di dengue y chikungunya.

http://www.24ora.com/local-mainmenu-5/91443-accion-na-2014-a-bai-bon-y-ta-trahando-caba-riba-
accion-pa-2015-pa-combati-sangura

Medayista di Oro di e Weganan CAC 2014,
Philipine van Aanholt na Aruba

· Feb 4th, 2015
· Deporte

E atleta den e deporte di bela y alabes medayista di oro di e Weganan Centro Americano y del Caribe
2014 di Veracruz, Philipine van Aanholt a bin Aruba unda e lo atende algun reunion importante cu entre
otro e comision tecnico di Comite Olimpico Arubano y tambe Cemedar Sports Medicine. Despues cu van
Aanholt a logra e medaya di oro, e no a para keto y a sigui cu su preparacion pa e Weganan
Panamericano 2015. Siman pasa, Philipine a competi den e World Cup di bela cu a tuma luga na Miami
Beach. Aki el a logra un presentacion aceptabel, logrando un biaha un di dos luga. Sinembargo no ta tur
careda a bay na gusto segun Philipine mes ta conta. E tabata falta mas consistencia y esaki ta algo cu e
lo bay traha riba dje e lunanan cu ta bini. Awor Philipine lo biaha pa Europa unda e lo competi den varios
evento na Cadiz y Palma de Mallorca, ambos na Spaña, prome cu e regresa bek y asina prepara su mes
pa e Weganan Panamericano Toronto 2015 den luna di Juli. Mester bisa acerca cu Philipine a probecha
di e ocasion aki pa haci un bishita na Minister di Salubridad Publico, Cuido di nos grandinan y Deporte,
dr. Alex Schwengle kende na su turno a haci entrega di un bunita cuadra pinta na e atleta Philipine van
Aanholt. Tambe na e ocasion aki presente tabata e miembronan di e directiva diario di COA, sr. Edwin
Roos, sra.Nicole Hoevertsz y sr. Jair Tromp.