Page 50 - ATA
P. 50
CLA PA BAY CU VAKANTIE? Aduana ta
recorda’bo riba Exoneracion di impuesto riba
ekipahe di biahero
July 4, 2018
Departamento di Aduana kier recorda tur persona di 16 aña bay ariba, biahando pa exterior durante temporada
di vakantie grandi di lo siguiente.
Si bo ta bay haci compras di articulonan pa uzo personal of pa negoshi, fabor tene cuenta cu ora drenta
Aruba bek, mester declara e mercancia debidamente na Aduana.
Pa productonan di uzo personal, te cu un balor di factura di 400 florin, ta posibel pa importa esakinan sin cu
ta necesario pa paga impuesto di importacion. Articulonan cu tin un balor di factura cu ta surpasa
400 florin, mester paga impuesto ariba e producto completo. Tene na cuenta cu articulonan pa uzo
comercial no ta bin na remarke pa exoneracion.
Rekisitonan pa exoneracion di impuesto pa biaheronan:
Pa por bin na remarke di exoneracion di impuesto, e persona mester tin minimo 16 aña di edad y mester
ta den posesion di un ticket di biahe.
