Page 53 - ATA

Cla Pa Bay Cu Vakantie? Aduana Ta Recorda Bo

Riba Su Tareanan Na Aeropuerto

 Featured

 Local
- 04/07/2018

Temporada di vakantie grandi ta den porta y hopi di nos hendenan local ta preparando pa
bay cu vakantie pronto of ta preparando pa ricibi famia y hendenan keri for di exterior.
En conexion cu e temporada di vakantie, Departamento di Aduana kier informa pueblo
over di e tareanan fiscal y no fiscal cu e ta eherce y pakico Aduana ta eherce e tarea aki.

E tarea primordial di Departamento di Aduana t’e tarea fiscal, di cual e ta encera controla
e fluho di articulonan cu ta wordo importa, exporta y ta pasa Aruba di transito.
E control fiscal di e articulonan ta encera: Controla, calcula y cobra impuesto di
importacion y accijns riba articulonan cu ta wordo importa, exporta y ta pasa Aruba como
transito.
Como Aduana ta na frontera tin tareanan cu ta wordo delega na nos dor di otro
departamentonan via di nos Bijzondere Verordeningen, cual tin e meta pa salbaguardia
interes di pais Aruba riba tereno di: Salubridad y seguridad publico, economia, medio
ambiente.
Un ehempel hopi comun ta ora un persona bay den exterior y cumpra pildernan pa baha
peso of pa un tratamento medico. Nos ta conseha e biahero pa busca e informacion y
permiso necesario encuanto medicamentonan cu mag di wordo importa prome cu biaha
na Inspectie Volksgezondheid Aruba.