Page 49 - MIN.ON 15 OCT,2015

Problema di termento y su efectonan ta creciendo na Aruba cada dia mas!

Publication: Thursday, 15 October 2015. Categoria: General
Pesey e convencion ta asina importante:

ORANJESTAD (AAN) – E dama Caroline Martes, Educational Counselor na Fundacion pa Nos
Muchanan, tambe a hiba palabra den conferencia di prensa, relaciona cu e prome “Anti-Bullying
Convention”, cu e fundación ta organizando pa Diadominto proximo.
Señora Martes a splica na prome lugar, con FPNM a bin na e idea pa e convencion aki.
El a menciona cu un di e tareanan di Fundacion pa Nos Muchanan, esun di mas serio cu nan tin
ta sostene e mayoranan y educadornan den lantamento di mucha.
Tambe nan mision ta pa informa pueblo en general tocante lantamento di mucha. Nan ta traha cu
educadornan, pero tambe cu muchanan di cero pa diesdos aña.
Na aña 2005, FPNM a desaroya e foyeto “Termento no ta coi kens”. Ora el a worde publica y
saca afo, a cuminza ripara cu a drenta hopi peticion for di mayornan, pero tambe di parti di
educadornan of schoolnan, pa duna charlanan tocante e tema aki di Termento: un topico
sumamente importante.
Na aña 2012, FPNM a tene su prome charla “Termento no ta coi kens”.
“Mientras tanto nos a bin ripara cu e peticionnan pa e charla aki a cuminza crece enormente, no
solamente na schoolnan for di Kleuterschool y Basico, sino for di otro instancianan manera
‘leerplecht’, Traimerdia y otro gruponan cu ta trata cu mucha”, señora Martes a menciona.
El a agrega cu esaki a bisa e fundacion cu e problema di termento a cuminza crece diripiente,
hopi mas fuerte.
“Di berdad e termento tabata tey semper, pero nos no a conoce e palabra ey mes ni e palabra
bullying. E tabata mas e palabra ‘tenta’ y nos tabata bisa ‘e ta coi mucha’ y tur hende mester por
el contra esey. Mientras tanto, nos a cuminza ripara cu e efecto social y emocional riba e victima,