Page 50 - MIN.ON 15 OCT,2015

pero tambe riba e terdo mes, ta asina serio cu e tópico aki merece atencion”, señora Martes a
subraya.

Pa tal motibo FPNM no ta limita na charla so pa schoolnan y mayornan cu presenta, pero nan
kier haci algo mas grandi pa asina e publico en general, henter comunidad ta conciente di e
efecto negativo cu esaki por tin riba mucha, y con nos tur por haci un compromiso p ayuda
combati e fenomeno aki”, señora Caroline Martes a acentua.

Un encuesta cu a worde haci pa Fundacion Telefon pa Hubentud hunto cu CBS, den ocho
schoolnan básico, den klasnan 2 pa 6. E cifranan cu e encuesta aki a duna como resultado tabata
e base pa nan pensa di sinta hunto pa combati e problema aki”, e dama a señala.

Tin proyectonan cu ta bay ta dirigi riba e muchanan mes. schoolnan ta haciendo hopi tocante
esaki caba, y FPNM ta para tras di esey y duna nan aporte.

Ora cu otro instancianan ta bezig cu e muchanan, Fundacion pa nos Muchanan kier takel e
adultonan pasobra enberdad e terdor mester haya comprendimento di kico su comportacion ta
nifica pa e otro mucha y e victima mester haya sosten, pero tambe siña con pa para dilanti esaki,
y ricibi e sosten di e adulto rond di dje pa dune e sosten. Akinan ta na unda e Fundacion ta cay
aden cu e Convencion, via cual nan kier trece concientización y alavez duna informacion mes,
pasobra por ta tin hende cu no sa y ta pensa ainda cu termento ta haci e mucha fuerte. Esey no ta
e caso y e por tin pa hopi mucha un efecto desastroso, cu e por hasta perde su chensnan den vida,
pa motibo cu termento ta baha, of kita su self – esteem di un mucha y si e no haya e sosten di su
mayor e por haci cu e victima no ta yega na su capacidad den bida pasobra semper e lo pensa cu
e no por, debi cu e terdo kier hacie sinti menos y malo.

“Esaki ta e prome Convencion grandi cu nos ta haci no solamente pa yega na e profesionalnan y
maestronan di school, pero tambe e mayornan, welo y welanan, por ta hende cu ta traha den
deporte cu mucha, den gruponan religioso y den tur otro area. Asina nos tur hunto por haya loke
nos tin mester pa por combati e amenaza aki”, señora Caroline Martes a reitera.

http://www.diario.aw/2015/10/problema-di-termento-y-su-efectonan-ta-creciendo-na-aruba-cada-dia-
mas/