Page 11 - KPA

Hulanda ta reconoce e trabao

haci dor di Kustwacht y Cuerpo

Policial

Minister di Husticia, mr. drs. Arthur Dowers a ricibi bishita di Minister di
Asuntonan Interior y di Reino di Hulanda, Ronald Plasterk pa combersa riba

diferente topico. E Minister Hulandes tabata den un bishita di despedida y
durante e reunion a bin dilanti un cantidad di reconocimento haci na Kustwacht

y Cuerpo Policial pa loke ta maneho di e problema cu tin na Venezuela.Minister
Dowers a indica cu a logra na un forma hopi ordena di tene mayoria di
hendenan cu tabata purba drenta nos pais, afo. Banda di esaki a papia riba e

sosten na Kustwacht. E mandatario a agrega cu Hulanda a priminti, mas cu un
aña pasa, cu lo a pone medionan financiero adicional pa Kustwacht pa asina por

actualisa e sistema di Radar y nan no a haci’e. “Nos riba nos mes a paga pa
traha e pilot project caminda cu a determina exactamente unda mester pone e

radar extra pa cera e ultimo buraco cu tin”.Hulanda, na e momento aki a bisa
cu nan ta bay pone medionan financiero adicional pa Kustwacht, asina Minister

Dowers a duna di conoce. Esaki ta sigur un bon noticia, el a expresa. Loke
mester mira ta si esaki ta bay bin riba termino corto y si esey no ta e caso
mester percura pone fondonan pa asina tin henter nos isla bon cubri.E

sentimento general di Hulanda ta cu e trabao haci den e ultimo añanan ta uno
di un nivel sumamente halto. “Un biaha mas mi por felicita nos Cuerponan pa a

haci un tremendo trabao”, e mandatario a remarca.