Page 16 - KPA
P. 16
Polis ta para un auto na Sabana Basora, despues
di a wordo informa cu un di e ocupantenan lo a
caba di carga un arma di candela
1 min ago 0 0 Views
Seroe Preto, San Nicolas; Algo prome cu 6’or di Diasabra atardi, ta surgi un problema entre un mama cu
tata na un adres na Seroe Preto (San Nicolas) y segun esnan na e cas, e tata lo a carga un arma di
candela prome cu ela subi un auto y bay for di e sitio.
E habitantenan di e cas a avisa polis di loke a caba di sosode, mesora polis a cuminsa cu un buskeda pa e
KIA Cerrato color shinishi scur. Varios unidad a bay den e area di Sabana Basora unda e persona aki ta
biba.
Na momento cu e tata di inicial RL tabata yegando su cas, un patruya di polis a para e auto y a pone e
dos ocupantenan baha for di e auto. E polisnan na e sitio a cuminsa buska den e auto pa e supuesto
arma di candela.
Despues di un buskeda intenso den e auto sin resultado, e agentenan a laga e dos cabayeronan bay y e
patruya a bay na e adres na Seroe Preto pa wak si nan por haya mas detayes.
