Page 18 - KPA
P. 18
PA PROME BEZ DETENE UN
MINISTER NA ARUBA
Den historia di Gobiernonan di Aruba, probablemente e prome biaha cu a investiga un
mandatario tabata tempo di Minister Berlinski di Partido Democratico Arubano (PDA)
den e prome Gabinete Eman, entre 1986 y 1989. Awe na 2017 atrobe ta presenta un
acusacion penal y ta detene un Minister na mando.Aunke cu algun luna pasa caba, ora e
investigacion a inicia, a evalua pa e mandatario tuma su retiro pero el a opta pa no haci
esey. Locual si a sosode ta, un dia despues di e “huiszoeking” na su cas, Conseho di
Minister den un reunion extraordinario, a dicidi di kita tur encargo for di Paul Croes.
Consecuentemente e ta Minister ainda, pero sin responsabilidad, sin ningun Ministerio
y/of departamentonan resortando bou di dje. Ta papia di un Minister “non-actief”.Den
tempo di MEP a yega di interoga Minister Ramon Lee pa comportacion inmoral, pero no
a encarcel’e y no tabatin nada di haber directamente cu su funcion como Minister.A yega
di scucha Tico Croes y Otmar Oduber tambe, pero no como Minister, sino como
Parlamentario.Pues, den caso di Minister, ta Paul Croes ta bira e prome, sino un di e
promenan, cu siendo den funcion di Minister, ta wordo investiga y/of persigui
penalmente pa un acusacion cu tin directamente di haber cu su trabou y funcion.
