Page 10 - flip hoh

Wever ta sigui mustra riba supuesto mentira cu tanto minister Schwengle como sr.Giel a
trece padilanti, siman pasa den nan reacion riba e asunto di camber di operacion nobo.
Esaki ora ambos a duna di conoce cu nan no tabata na altura di un otro “oferta” haci door
di un compania hulandes (Bussman). “Ta kiko un delegacion di Aruba a bay haci Miami
anto na mei 2014?” Wever ta puntra.

Wever ta sigura cu e la ricibi e informacionnan den su brievenbus, unda cu sr. Giel tambe
a forma parti di dicho delegacion. Pa Wever, ta hopi peculiar cu den esaki ta cu ta net 9
luna despues Bermello ta presenta su plan. Den e delegacion aki tambe tabata tin
representante di HOH.

PRUEBA

Mas prueba segun e ex minister di Salud cu sr. Giel ta gaña, ta e hecho cu den e plan di
Bermello ta haci mencion cu " Bussmann solution not to be considered as per soga"!! Sr.
Giel no ta forma parti di SOGA? Dicon mester gaña cu e no ta na altura di otro oferta??”
Wever ta puntra.

DESTAHO PUBLICO

Tambe e ta señala, segun Wever cu no tin tempo mas pa tene un destaho publico, pasobra
e decision mester wordo tuma di inmediato. “Dicon a tarda asina tanto pa tuma un
decision, si for di mas di un aña y mei pasa e Raad van Bestuur a alerta AIB, SOGA y
infrateam cu e salanan di operacion NO tabata cuadra cu e exigencia di calidad hulandes.
Aki ta na unda e discusion a start.”.

RAAD VAN BESTUUR

Segun Weer, en berdad ta e Raad van Bestuur anterior a indica na ministernan di gabinete
Mike Eman I cu renobacion di e salanan di operacion no tabata necesario, pasobra ya
caba un adaptacion di e salanan di operacion a caba di tuma lugar, hunto cu e renobacion
di ICU/MCU y dialyse, cu a costa hospital 10 miyon florin. E suma aki hospital mester a
presta, apesar di un situacion financiero malo. Hospital cu lomba contra muraya a dicidi
di haci e prestamo pa por cumpli cu e exigencianan menciona. Tambe e keda palabra cu
gabinete Mike Eman I cu hospital lo a haña e 10 miyon florin back ora cu e traspaso di e
tereno keda formalisa cu SOGA.

TRASPASO DI SUMA

“E suma aki a wordo traspasa ??? Segun mi informe esaki tampoco a tuma lugar. E 40
miyon cu SOGA a paga, a bay full na pago di klinkers, Green Conferences,
coordinadornan, etc. etc” Wever ta sigui puntra. Pues segun Wever, esaki ta un otro
mentira di tanto sr. Schwengle como Giel. “Awor, bien purba di hustifica e hecho cu