Page 12 - flip hoh

nobo. Un documento cu NoticiaCla.com a logra obtene, ta mustra cu hospital a
prefera e plan di un compania hulandes, -Bussman-, riba esun di e compania envolvi
actual, esta Bermello. Y den e carta fecha fin di januari 2015, nan ta mustra esaki
punto pa punto.

PUNTONAN DI PROBLEMA

For di e funcionalidad di e facilidad, papiando di un plan ‘ilogico’, ‘espacio chikito’, te
na e hecho cu e hybrid ok/ cath lab (di cual a haci mencion e siman aki di dje) no ta fit
den e espacio sugeri (mucho chikito), hospital ta recita un lista largo di punto cu e ta pone
pa mustra cu nan no por ta di acuerdo cu e plan sugeri.

PROPOSICION HOSPITAL

A cambio, nan ta presenta nan proposicion, unda cu ta ilustra e puntonan positivo contra
esnan negativo. Ta mustra tambe cu tin mas puntonan positivo compara cu esnan
negativo, segun hospital, pa cual nan ta sugeri cu mester tuma esey. Mira e proposicion di
hospital aki.

COMENTARIO MINISTER SCHWENGLE

Recientemente minister di salud Alex Schwengle a confirma na NoticiaCla.com cu
enberdad tin un problema cu a conduci cu awe tin un discusion riba e tema di operatie
kamer di hospital. “Esey ta berdad” minister di salud Alex Schwengle a bisa na e ocasion
ey. Segun e mandatario cu tin e cartera aki, ta hospital su directiva mes a haci un mal
calculacion y awor esey ta saliendo e (hospital) mas caro den e proyecto di renobacion di
e hospital. Y esey ta inclui entre otro e operatie kamer riba cual tin tanto discusion. Un
discusion cu a haya un tinte politico unda cu varios partido politico manera Democracia
Real y UPP) ta cuestiona e asunto, y hunto cune, e mandatario pa su envolvimento.

DECISION DI NO RENOBA

Segun e mandatario, e directiva bieu di OK (Operatie Kamer) ora di negosha na 2010 ki
parti di hospital ta renoba, a dicidi cu no mester renoba OK pasobra esaki a wordo haci
algun tempo atras. E mandatario a bolbe enfatisa cu ta hospital mes a dicidi esey. Ningun
otro hende. "Hospital mes, ‘y e ta documenta ", ta esnan segun e mandatario cu a dicidi
cu no ta renoba e parti di intensive care y operatie kamer. A resulta despues cu e
‘inschatting’ tabata robes, y cu e calidad di e parti fisico di e.o. e operatiekamer no ta
adecua. A haci un analisis aña pasa augustus segun e minister, cual inspectie di salud a
tuma pa su encargo prome, cu a pase pa TNO (Nederlandse Organisatie voor Toegepast
Natuurwetenschappelijk Onderzoek), manera cu ta e regla di inspectie na Hulanda tambe
. Despues di e inspeccion, enberdad a resulta cu e OK tin problema. “Mester renoba y no
tin choice. E ta un mal noticia pasobra e ta un gasto cu bo no a premira” e mandatario a