Page 44 - min,jus july 9 2015

El a bisa cu loke ta pasando no ta algo grave den sentido cu no ta cosnan cu por atende cune,
pero si ta un situacion grave di comunicacion. El a remarca cu mester tuma pasonan pa re-
establece e comunicacion y lo traha diaranson pa cu esaki y lo informa e sindicato, e personal y e
director di kico su decision ta a base di e raport, e conseho di su bureau y su mesun
conclusionnan.

E sindicatonan a indica cu nan tin preferencia pa un team di maneho, pues un “management
team”, cual ta algo cu Minister Dowers tambe ta kere den dje, pasobra un team di maneho ta
reduci e efecto di pone poder cerca un solo persona.

El a splica cu como cu e construccion aki di un team di maneho no ta base den e ley di prizon di
Aruba, ta evaluando si mester haci un cambio den e ley di prizon pa incluy’e hunto cu otro
cambionan cu ya ta trahando riba dje tambe pa bay parlamento pa evaluacion y eventual
aprobacion.

Minister Dowers a subraya cu KIA ta un organisacion complica pa maneha y si tin problema di
maneho for di dia cu un persona a cuminsa traha como director ta dificil pa crea un cultura unda
ta produci hendenan cu por contribui na maneho di stabilidad y trankilidad den e institucion.

Dowers a splica cu e sindicato a indica cu mester por prepara hendenan cu ta trahando den KIA
mes pa yega na e nivel di liderazgo y tuma e funcion di director, pero el a indica cu na e forma
cu KIA a wordo “opgezet” y “uitgebouwd” nunca tabatin e posibilidad pa logra esey.

KIA tin e complicacion extra cu e edificio ta sumamente deficiente, no pasobra falta di
mantencion y efectonan climatologico a caus’e pa ta deficiente, pero e compleho simplemente ta
mal traha, segun Dowers. El a agrega cu ta dificil pa maneha e fluho den e compleho pa por
ehempel por provee e detenidonan cu actividadnan, esta “dagbesteding”, deseabel. Henter e
infrastructura ta complica e maneho di e prizon.

E mandatario a expresa cu e ta di acuerdo cu e sindicato cu mester organisa e departamento di tal
forma cu hendenan cu ta parti di e personal di prison por crece den nan trabao y yega na ocupa e
funcion di mas halto.

E no ta semper un garantia cu nan lo bira director, pasobra tin biaha ta necesario pa busca hende
for di pafo relaciona cu e desaroyo di e facilidad, pero tin na mes momento hopi hende cu tin
hopi di e caracteristicanan rekeri pa un posicion di liderazgo, pero falta e parti strategico di
maneho. Mester pa futuro traha riba e preparacion adecua pa e personal den e sentido aki, el a
añadi.
Minister Dowers a enfatisa cu no ta na Aruba, pero na Corsou y Sint Maarten tambe ta sinti cu
retonan cu maneho di prizon.

El a conclui cu aunke tin bon cooperacion cu institutonan coreccional Hulandes no tin sosten
continuo of pa un periodo largo continuo, algo cu en realidad ta importante pa “feedback”
corecto riba ideanan cu por tin den KIA pa dirigi e prizon den e direccion corecto.