Page 12 - Updated Newspaper Juni 29 2015
P. 12
10 AWEMainta Dialuna, 29 Juni 2015
Fraccion MEP a bolbe denuncia na Gobernador
Di limitacionnan di
Parlamentarionan tin
pa prepara di ley di
aumento di BBO
MANERA ta conoci Parlamento ainda falta pa trata e ley di aumento
di BAZV prome cu reces. Siman pasa e ley a drenta Parlamento, y na un
forma hopi dictatorial Presidente di Parlamento Chris Dammers a dicidi cu
Parlamento lo haya solamente 1 dia y mei pa studia e ley y manda pregunta.
Fraccion di MEP no ta haya e forma aki di trata Parlamento; uno na su lugar pasobra
ta trata di un ley di embargadura grandi, y kier limita Parlamentarionan di studia y
haci preguntanan un bes mas.
Ta trata di otro impuesto cu lo wordo aumenta cu 1%, siendo cu e promesa di Gabinete
Mike Eman ta cu lo elimina e belasting aki, segun dirigentenan di MEP cu a bishita
Gobernador.
Sra. Marisol Lopez-Tromp a haci su best den ultimo simannan pa trece democracia
bek den Parlamento, sinembargo den apenas algun dia, Chris Dammers ta mustra di
ta introduci dictadura bek den Parlamento.
Falta di transparencia y arogancia ta pone cu mester bulldoze e medida aki, y stroba
Parlamentarionan di MEP di haci nan trabou.
Den cuadro di esaki fraccion di MEP a manda un otro keho oficial na Gobernador
tocante esaki, cu copia pa politiconan na Hulanda p’asina tur hende sa ki clase di
politiconan tin den AVP, hendenan cu no tin respet pa democracia.
