Page 69 - Updated Newspaper Juni 29 2015

OM Hulanda a revoca declaracion riba
Mitch Henriquez

Posted on 06/29/2015 11:01 am AST | Updated on 06/29/2015 11:06 am AST

DEN HAAG – Ministerio Publico di Den Haag a cambia su declaracion riba morto di e
arubiano Mitch Henriquez (42), cu a fayece despues di su detencion diadomingo na
Hulanda. “Ministerio Publico no ta sigur mas cu Henriquez a bira malo despeus den
ambulance”. Como tal, e ta haya su mes ta cambia su declaracion.

INFORMACION LIMITA

Basa riba informacion ‘limita’, OM a declara anteriormente cu Henriquez a bira malo den
ambulance. Pero segun vocero di OM, riba imagen di video, por mira cu ya for di inicio, tabatin
algo cu a sosode. “Pesey nos ta revoca conclusionan anteriormente tuma, pa duna rijksrecherche
e espacio, sin prehuicio, pa por haci nan trabou.

ARMA

Otro informacion di OM ta, cu tabatin informacion cu Henriquez lo a grita cu e tin un arma. Pero
segun OM, e momento di su aresto, e no tabatin un arma.

TESTIGO

Un testigo ocular (Esther de Ruijter) a declara cu e la mira con e homber (riba su barica caba), a
wordo gedal cu un klop riba su cabez. “Y esey mientras cu 5 polis tabatin’e wanta caba. Como
tal de Ruijter kier a haci un declaracion di testigo.

AUTOPSIA

Ministerio Publico a laga sa cu ta hacienda autopsia riba e curpa, pa sa mas di e motibo di s
morto. Mes momento alcalde di Den Haag a manda su palabra di pesame na famia di Mitch
Henriquez.

PROTESTA

Riba rednan social a bin yamada pa protesta dialuna anochi 8’or y mei ora di Hulanda riba e
morto di Henriquez.

http://www.noticiacla.com/news/3278