Page 64 - Updated Newspaper Juni 29 2015

di baho mundo.
Mester menciona cu e hecho cu varios hende a purba decifra e inicialnan door di asumi kende e
sospechosonan lo por ta, a haci basta daño na comerciantenan Arubiano cu diariamente ta traha
duro pa por progresa.

E libertad cu ta existi awendia riba red social ta crea un impresion robes cu tur hende por skirbi
“kico cu ta” pasobra ta riba mi “wall” y ta mi opinion. Ta bon pa adverti tur usuario di Facebook
y otro rednan social, cu e mesun ley cu ta conta pa media tradicional y libertad di expresion en
general, ta aplicabel pa Bo tambe.

Bo libertad ta caba unda esun di e otro persona ta cuminsa, y esey ta conta si bo yama duna bo
opinion na radio, skirbi’e den corant of tambe si bo publica nomber di hende riba Facebook
acusando of insinuando algo robes of incorecto.

http://www.diario.aw/2015/06/nomber-di-sospechosonan-di-labamento-di-placa-ta-conoci/