Page 63 - Updated Newspaper Juni 29 2015

Nomber di sospechosonan di labamento di placa ta conoci

Publication: Monday, 29 June 2015. Categoria: Policial
Ta sushando nomber di comerciantenan local

ORANJESTAD (AAN): Desde momento cu Ministerio Publico a informa di e hayazgo di
tantisimo placa efectivo den negoshinan na Aruba, Hulanda y Belgica, balora na mas of menos
3.9 miyon Euro, mesora a cuminsa specula riba inicial di e sospechosonan. Ta di lamenta cu den
e proceso, riba red social, a manda varios nomber di comerciantenan cu no tin nada di haber cu e
caso of cu e sospechosonan envolvi.
E tres sospechosonan deteni ta e hombernan Ramon Helger, un di e doñonan di di Madame
Jeannette Restaurant, considera un di e restaurantnan mas exitoso na Aruba.
E di dos sospechoso ta Hendricus “Hennie” van Rey di mas o menos 70 aña di edad y kende tin
un compania di procesa carni na Hulanda y cu na Aruba ta doño di Del Rey Apartments. Ta
sospecha cu e ta pakete Euro den caha di galiña y manda den container pa Aruba.
Autoridad a intercepta un container den cual a haya 2.8 miyon Euro den efectivo scondi memey
di carni frieu. Tambe a haya 1.1 miyon Euro na cas di e varios sospechosonan na Aruba, Hulanda
y Belgica.
Como cu Hues Comisario di Hulanda a autorisa detencion di Hennie van Rey, ta spera cu den e
siguiente dianan lo hib’e Hulanda pa sigui cu e caso eynan. Como cu oficialmente e ta biba na
Hulanda y tin nacionalidad Hulandes, e proceso al estilo extradiccion ta bay mucho mas facil.
E ultimo sospechoso deteni siman pasa tabata Rupert Genser, cu algun siman pasa caba tabata
envolvi den e investigacion rond di e boto “La Patrona” den cual a haya un compartimento
scondi cu droga. Den pasado el a yega di sinta castigonan caba pa e crimen di labamento di placa