Page 77 - Min Vos MAY 22

El a recorda tur persona concerni, cu durante e accion cu ta bay tin, pa nan tin nan carchi di salud cu nan, y si ta
posible pasa na e departamento aki pa busca e carchi berde, pasobra nan no ta bay wak e recibo como prueba.
El a subraya cu tabata tin un tiki retraso pero e mayoria di carchinan di salud a wordo saca y tur hende mester tin cu
carchi na tempo, pasobra ora e departamento yega na e localidad di trabao nan kier mira esaki.
Tambe e kier a recorda e personanan cu mester saca nan carchi ainda, cu actualmente nan ta atende solamente
sesenta persona pa dia. Asina ta cu si un restaurant of take away ta wordo cera pa falta di carchi, e no ta bay habri
den dos of tres dia y hasta por dura mas largo, ya cu e proceso di e carchi ta tarda diez dia di trabao prome cu e
persona haye den su man. E carchi mester ta valido pues mester wak bon e fecha di expiracion. No ta den nan man
pa e proceso ta mas lihe, pasobra nan ta traha cu laboratorio y pesey ta dura tanto dia.
Esnan cu a pidi e carchi caba por bin for di mainta te despues di merdia, entre 8-12’or merdia y 2-4’or atardi.
Si mester di stampia pa renovacion of carchi nobo mester bin hopi tempran pasobra e ora ey si ta sesenta hende nan
ta yuda pa dia. Adres ta Avicenastraat 1 (patras di DESPA) y telefon ta 5224259 pa mas informacion.

http://www.diario.aw/2015/05/trahadornan-mester-tin-na-bista-y-valido-nan-carchi-di-salud/

Dialuna awor DESPA, DOW y Polis ta cuminza cu control di
higiene y carchi berde

Publication: Thursday, 21 May 2015. Categoria: General
Den restaurant y take away:

ORANJESTAD (AAN) – Departamento di Salud Publico, su seccion di Inspeccion di Higiene, a convoca un conferencia
di prensa, den cual a participa tambe un miembro di KPA y e director di DOW.

E rueda di prensa tabata tin como tema e “Control riba restaurant y take away” cu e instancianan aki ta bay realiza
conhuntamente.
Tabata presente pa duna e presentacion sras. Ivette Geerman y Marlin Peñafiel-Geerman di Seccion Higiene, director
di DOW Ing. Marlon Croes, y sra. Sandra Kock di Cuerpo Policial Arubano.
Sra. Ivette Geerman a menciona cu e accion cu ta bay tuma lugar lo cuminza dialuna 25 di Mei awor y e ta en
conexion cu un proyecto conhuntamente cu DOW.
DOW a acerca DESPA debi cu nan tin un problema bastante grandi, pa motibo di e vetnan cu ta wordo uza den tur e
localidadnan cu ta bende cuminda.
Sra. Geerman a indica cu aworaki ta un exigencia pa tur esnan cu ta bende cuminza completo, cu tin vergunning A y
pa esnan B cu ta “fast food” tambe ta biniendo na vigor, y e “take awaynan” unda cu tur ta bay wordo envolvi den
ley.
Pa e proyecto aki Departamento di Salud a parti e areanan den control den cuater mescos cu KPA tine, y nan lo bay
cuminza cu tres y pa ultimo ta bay pa e di cuater.
Nan ta San Nicolas, Santa Cruz, Noord y Oranjestad. Lo cuminza den e zona di San Nicolas, Santa Cruz y Noord, y pa
ultimo Oranjestad cu ta esun di mas grandi.