Page 79 - Min Vos MAY 22

Basta hende cu ta traha cu cuminda a basha bin pa carchi
di salud
Friday, 22 May 2015 10:36
Comparti

E mensahe cu a wordo manda dor di e departamento di higiena, DOW y Polis relaciona cu control a lanta
hopi hende for di soño. Lanta for di soño den tur sentido di palabra. Sigur mirando cu for di marduga nan
tabata yega na e oficina pa asina cuminsa haci e proceso pa haya nan carchi di salud.
Cu e aglomeracion di hende riba e dos prome dianan nifica caba cu ta hopi restaurant na Aruba ta
trahando cu hende cu no tin carchi di salud. Ta bon mes cu e departamentonan a anuncia e control aki.
Asina tur hende ta cuminsa prepara nan personal cu ta traha of bende cuminda pa nan estado di salud ta
den forma optimal. Riba e prome dos dianan caba por a constata cu hopi hende a keda rabia pasobra nan
ta yega y no por wordo yuda. Pa dia ta handle 60 cliente. Kiermen no por kibra hero cu man. Cada ken
mester a zorg pa nan tin nan cosnan na ordo. Awor cu control ta cuminsa tur hende ta perde cabez y kier
solucion mesora pa algo cu nan tabata tin suficiente tempo pa regla. Cada negoshi mester ta responsabel
pa atende nan asuntonan di personal cu sirbi cuminda. Esaki ta pa garantiza bon pa tur hende bibando
aki y tambe turistanan.

http://www.24ora.com/local-mainmenu-5/95417-basta-hende-cu-ta-traha-cu-cuminda-a-basha-bin-pa-
carchi-di-salud