Page 50 - MIN ON 9 JULY 2015

“Veredicto di Huez cu no por hisa placa pa scol ta
sumamente importante”

Publication: Thursday, 9 July 2015. Categoria: General
Rene Herdé

ORANJESTAD (AAN): Segun Rene Herde di AVP, en corto e sentencia di Corte, ta habri
oportunidad pa renoba maneho pa financiamento di enseñanza.
“E veredicto di corte cu e directiva di school catolico SKOA no por djis hisa e placa cu
mayornan tin cu paga pa school di nan yiu, ta masha masha importante. Specialmente pasobra
huez ta bisa cu no por hisa gastonan pa asuntonan cu no ta cay bou di e curiculo di e school. Y
mas importante ta cu e ‘schoolgeld’ aki no ta obligatorio, pasobra no por ta asina cu mester paga
mas pa un mucha na un school catolico compara cu un mucha na un school publico. Of cu un
mucha ta worde nenga un luga na un school pasobr su mayornan no por paga e costo adicional.
Mester warda pa wak kico huez lo dicidi den e caso completo (= bodemprocedure) mes. E
veredicto di awe tabata den un caso sumario. Pero e veredicto aki ya ta duna un indicacion con
importante corte ta haya e derecho y trato igual den enseñansa. Diferencia den gastonan di
enseñansa sigur ta crea diferencia y bareranan inacceptabel pa bay un school. Ami ta masha
contento cu e veredicto den e caso sumario aki.”
Asina Rene Herde di partido AVP a declara awemerdia despues di a tende di e veredicto di corte
cu un grupo di mayor a entama. Prome cu e caso aki gobierno tambe a bay corte contra di e
decision di SKOA pa hisa e “placa di school”.