Page 51 - MIN ON 9 JULY 2015

Rene Herde a sigui bisa: “Esey no ta trañami. Ta trata di un asunto sumamente importante, esta e
derecho igual di cada mucha pa haya enseñansa. No por tin niun barera pa niun mucha haya e
enseñansa cu e kier, den e school cu e kier. Pa ley enseñansa ta un derecho di cada mucha y
gobierno pa ley mester paga tur school e mes un suma pa cada mucha. schoolnan por cobra
mayornan un suma adicional pa asuntonan cu no ta cay bou di e programa (= curiculo) di school.
Pero esaki no ta nifica cu un mucha por worde nenga pa bay e school pa motibo cu su mayornan
no por paga e placa adicional. Esey ta worde considera un barera inhusto of violacion di su
derecho. Pesey mi contento cu huez ta tuma e derecho igual pa enseñansa asina importante den
su decision.”

Maneho & Financiamento: Segun Rene Herde’ mester warda e veredicto final den e caso
completo (= bodemprocedure), paso ta den e veredicto di e caso ey huez lo bisa hopi mas con e
ta interpreta ley.

Pero e indicacion di e caso sumario aki ya ta duna motibo pa pensa cu awor ta e momento pa fiha
bon cla kico ta den e curiculo pa cua pueblo via gobierno ta paga p’e. Un forma mas pa yega na e
curriculo nacional. Pa e otro gastonan pa actividadnan y servicionan cu un school kier duna, e
por cobra. Pero esey no por ta obligatorio segun corte.

Pa e motibonan aki Herde ta kere cu e ta habri oportunidad pa renoba e maneho riba
financiamento di enseñansa. Awor aki gobierno ta paga casi tur gasto di tur school na Aruba,
manera e edificio y su mantencion, material di school, salario di maestronan di school, nan
pensioen y gastonan medico. Pero gobierno no tin mucho di bisa den e schoolnan priva. Asina
mes cu gobierno ta paga pa tur mucha e mes un suma na tur school, muchanan ta worde nenga un
luga na school, pasobra nan no ta paga e placa adicional.

Rene Herde a finaliza bisando: “E tipo di veredicto aki ta habri oportunidad pa renoba maneho di
enseñansa. E ta un bon interpretacion di e derecho igual pa haya enseñanza y e autoridad di
directivanan di school. Pero tambe e ta un alivio directo pa mayornan.”

http://www.diario.aw/2015/07/%E2%80%9Cveredicto-di-huez-cu-no-por-hisa-placa-pa-scol-ta-
sumamente-importante%E2%80%9D/