Page 43 - AHATA

*Miembronan ta eligi directiva segun stipulacionnan di ley

ORANJESTAD (AAN) — Durante ultimo simannan miembronan di instancia di comercio
a lanta na forma fuerte contra gobierno Evelyn Wever-Croes. Acusacion di diferente tipo

di medida cu no a wordo decreta, a sigui otro.

Ayera Aruba a keda sorprendi pa rumornan cu e Presidente di Kamish Misier a tuma su
retiro. E informacionnan sensacional a haya un contesta ora Camara di Comercio a

introduci miembronan nobo den un situacion cu a crea e impresion cu ta e directiva di
Camara di Comercio ta dicidi kende ta dirigi e instancia, cu ta wordo regla pa ley.

Loke a pasa cu Camara di Comercio ta masha simpel. Segun Ley miembronan ta eligi

personanan cu ta presenta nan mes como candidato pa drenta directiva di Camara di
Comercio.

Tin un Ley di Eleccion pa Miembronan di Camara di Comercio y generalmente e eleccion

ta bay den un ambiente masha trankil.

Si resulta cu e cantidad di candidato ta mes halto cu e cantidad di puesto cu lo keda
bashi den Camara di Comercio, no ta tene eleccion entre tur miembro pero ta declara

cu e miembronan a wordo eligi.

Pa buena marcha di comercio tur miembro no ta baha pareu pero ta uza e formula cu
cada aña un cantidad di miembro ta baha y ta wordo reemplasa.

Na Januari miembro eligi di directiva di Camara di Comercio ta dicidi kende ta bira
Presidente.

Tabata normal cu dia Prome di Januari, Misier mester a baha si e no a pone su mes
como candidato atrobe.

Pakico ayera Aruba mester a bolbe ta na careda, no ta conoci. E tabata sigur fastioso

pa Aruba cu ta enfrenta dianan di fiesta y ya a conoce turbulencia den ultimo
temponan.