Page 48 - AHATA
P. 48
ORANJESTAD (AAN): Despues cu Diahuebs mainta e vuelo inaugural di Aruba Airlines a
yega Medellin, prensa y demas invitado a bay den un party bus Colombiano pa
restaurant Pecai, unda cu tur hende a haya algo di come y bebe, mientras cu diferente
hende a duna un discurso.
Despues cu PR & Communications Manager di Aruba Airlines Zulma Pirela a duna tur
hende un bon bini caluroso, Director di Aruba Airlines na Aruba Francisco Arendsz a
splica con yen e prome vuelonan ta caba pa Medellin, mirando e entusiasmo grandi cu
tin na Aruba pa e ruta aki.
El a indica cu algun siman atras tabata tin un evento den e oficina di venta di Aruba
Airlines, unda cu hendenan a cumpra asina tanto ticket cu mester a pidi pa 2 vuelo mas
pa Medellin y tambe pa Barranquilla y Rio Hacha.
Andres Prado, representante di Airplan cu ta operador di e aeropuerto di Medellin
tambe a hiba palabra y el a bisa cu e vuelo aki ta un deseo cu a bira realidad.
“For di basta tempo caba nos a traha pa por haya e ruta aki y awor e lazo importante
turistico y comercial tey porfin”.
Esaki segun Prado, kende a indica tambe cu awor ta bay traha riba turismo medico, cu
ta di importancia grandi.
Moises Vitola, e representante di oficina di turismo di Medellin a bisa cu e ciudad tin un
conexion fuerte cu Caribe y cu e vuelo di Aruba Airlines e conexion ta bira ainda mas
fuerte, mirando cu vuelo aki por bira un bon hub pa conecta Medellin cu resto di Caribe.
El a indica tambe cu Medellin ta bon pa e contactonan turistico y comercial, mientras
cu tin tur tipo di festival cu por disfruta di dje.
Pesey e ta kere cu e vuelo aki sigur ta bay ta un exito.
https://www.diario.aw/2019/12/vuelo-di-aruba-airlines-pa-medellin-sigur-por-contribui-na-turismo-
medico/
