Page 41 - EXTRA

Djaweps 15 Febrüari 2018 41
Ounke ku sindikato
SAP lo a kubri tur
gastu
Mando Polisial

ta nenga pa
polisnan bisti
sinta pretu
komo muestra
di rou
WILLEMSTAD. - Pa medio
di e anunsio aki, direktiva
di SAP ta ekstendé nan mas
sentido di Pesame na famia,
amigu, kolega di e trahadó
Cromwijk ku a fayesé den
wikènt tras di lomba.
Sinembargo Direktiva di SAP
a keda asombrá pa reakshon
di Mando Polisial pa Kuerpo
Polisial demostrá ku nan ta
di luto. Ni bandera mitar
palu Kuerpo Polisial no a
hisa, asina Amado Vilchez
di SAP a duna di konosé na
redakshon di EXTRA.
Direktiva di SAP kier
informá su miembronan ku
for di e sentido síviko komo
hende, proposishon a keda
hasí na maneho di KPC pa
por demostrá (por medio di
un banchi-/sinta pretu) ku e
organisashon KPC ta di luto
(durante e fiesta nashonal
Karnaval). E petishon
simpel aki (sin gastu pa
KPC) a keda rechasá dor di
maneho di KPC.
SAP ta preokupá ku ta e
preis i trato aki, tur kolega
aktivo den Kuerpo Polisial
sirbiendo pais meresé.
Segun SAP, ta tempu pa
realisá ki balor kada kolega
polis tin awe komo trahadó
i kada ken puntra nan mes
si ta e tipo di trato aki ta
akseptabel di parti di Mando
di Polis.
Direktiva di SAP ta trese e
kosnan aki na konosementu
di koleganan polis i ku esaki
lo sirbi komo iluminashon
pa fiha i determiná loke tur
dia ta pasando ku kada un
trahadó individual.