Page 47 - KPA JAN 23,2015

http://www.24ora.com/local-mainmenu-5/91006-mas-accidente-na-rooi-manoonchi-
Mas accidente na Rooi
Manoonchi
Friday, 23 January 2015 10:57

Comparti

A para bira cu Rooi Manoonchi tin manera un aantrekkingskracht pa accidente. Esaki a sosode tambe
diabierna atrobe. Den dia cla accidentenan ta sosode. Si no ta accidente entre dos auto ta accidentenan cu
un solo auto y te hasta nan ta bolter. Tabata tin varios accidente aki tambe cu hende herida pero no ta
gravedad.

Diabierna mainta un biaha mas polis mester a bai na e sitio. Te hasta para eynan polis tabata casi testigo
di otro desgracia. Ta manera cu e biradanan eybanda ta pone autonan slip pa motibo di descuido di e
chauffernan mes. Mainta banda di 9:30 AM a sosode e ultimo accidente. Den e bahada di e Rooi
Manoonchi door cu e caminda tabata muha e chauffeur femenino den e taxi Kia Optimala primi brake
den forma suave pero asina mes e auto a slip sigui straight y bai dal un Suzuki cu tabata biniendo di
trafico contrario. Ningun hende a resulta herida pero ambos auto a ricibi hopi daño material.