Page 48 - KPA JAN 23,2015

http://www.24ora.com/policial-mainmenu-8/91007-scooternan-posiblemente-usa-den-atraco-haya-na-
salina-cerca
Scooternan posiblemente usa den atraco haya na
Saliña Cerca
Friday, 23 January 2015 11:13

Comparti

E scooternan posiblemente usa den e caso di atraco riba Caribbean Cinema den Palm Beach Plaza a wordo
haya scondi. Un ciudadano a notifica polis di e caso aki. Polis a bai banda di e negoshi unda ta mara hero.
Ora cu polis a yega nan a topa cu e persona cu a hibanan bou di un mata den e pida mondi.
Eynan a topa cu ambos scooter parcialmente desmantela pero cu ta core pasobra motor cu tur cos tey. E ta
mustra claramente cu nan lo ta wordo usa pa crimen. E polisnan a logra saca ambos scooter for di e mondi
y pone esaki na un area cu mas facil takelwagen por a buscanan. Recherche di Atraco Team ta na altura di
e scooternan. Un di nan bou di e asiento tabata tin un saco cu varios cos aden entre otro material cu por
wordo usa pa mara man di hende. Polisnan mes ta comenta cu den e area di Noord tin algun hoben cu ta
envolvi den cosnan malo. Nan no ta traha y ta hinca nan curpa den problema.