Page 2 - AWEMAINTA
P. 2
2 AWEMainta Diaranson, 13 Juni 2018
Lo no tin un solicitud habri manera anuncia, pero
Tele Aruba lo haya un management team
Minister Chris Romero su intencion
original tabata pa pone un solicitud
habri p’e posicion di un Director
pa Tele Aruba. Nos planta nacional
di television cu hopi hende a bin ta
critica, sigur si mira su progamacion
(bieu) cu e tin y no tin nada nobo.
Pero Tele Aruba tambe ta confronta
problema financiero y no tin placa
awor pa por paga un Director nobo.
Como tal e mandatario a laga sa cu e
lo scoge for di e personal actual mes
un management team, unda e actual
Director Comercial, Giovanny Kock
ta un di nan. E di dos candidato pa
forma parti di e truinvirato aki, ta
sra. Rona Tromp, Hefe di Benta y
Marcadeo y hunto cu nan a dicidi di
haya Lelicia Tromp, actual Director
di Noticia.
Lo duna e truinvirato aki e beneficio
di duda, sperando cu lo trece e
cambionan desea na Tele Aruba.
Si esaki no t’e caso, e Hunta di
Comisario di SETAR, cu ta doño di
Tele Aruba lo mester bay over na
nombra un Director nobo.
Caha fuerte haya den mondi
DIAMARS mainta polis a bay Sero Blanco,
caminda un safe basta grandi a wordo haya.
E safe tawata den mondi, y ta mustra cu nan
a forsa esaki.
Polisnan na e sitio a pidi pa un takelwagen,
pa por a transporta e safe pa warda. E safe
aki a wordo horta durante weekend pasa. Un
doño di cas den Edisonstraat a sali pa dos ora
y mey ora cu el a bolbe a constata cu a drenta
su cas y hasta a bay cu e caha fuerte grandi
aki.
Investigacion di parti BFTO(departamento
tecnico), lo bay haci investigacion ariba e
safe grandi aki.
