Page 21 - MIN SJA 29 OCT 2015

AWEMainta Diahuebs, 29 Oktober 2015 31

Hoben y Talentoso

Robert Silva

ROBERT SILVA ta un hoben cu a cuminza training

Karate Do estilo Shotokan cu 4 aña y awor na november
e ta bay haci 19 aña. E ta studia mainta na scol na San
Nicolas y traha tin ora atardi, pero ta train tur dia na cas,
na su Dojo cu tin nomber Shoshinkai unda e ta duna les
pa muchanan cu nan kier siña e deporte aki.

Catherine Caraha, Kevin Lugo y Robert Silva, e
aña aki a bay Bolivia pa prome biaha na historia
unda Aruba ta bay competi den Panamericano.
Unda pa prome biaha e bandera di Aruba tabata na
halto. Nos no a logra yega leu, pasobra e tabata un
competencia hopi duro, pero awor nos pais Aruba lo
ta riba e lista di WKF. (World Karate Do Federation).

Combersando cu su mama Isabel Silva-Finol, e ta sinti
hopi agradeci pa tur hende cu tabata rond dije dunando
forza y idea p’e por sigi bay dilanti, Organizacion
manera ASU, AKB, Cemedar, Sensei, mayornan etc.
sigur a yuda te cu actualmente Robert a afilia na
Organizacion Tamashi Shotokan bao supervision
di Sensei Marvin Silva 5to Dan. Su apoyo incondicional,
asesora pa Robert Silva 1er Dan, unda tabata por su
excelente participación diasabra 10 di october ultimo.
E tabata na Open Kyokai na ciudad di Caracas, unda a
gana medaya di plata den Kata y medaya di brons den
Kumite Open.

Karate no ta un lucha, e ta un disciplina unda ta siña,
respet, marcialidad, cortesía, deportivo y dinámico.
Pronto pueblo ta bay scucha di dje, pasobra awor e
weekend aki Robert Silva ta bay pa un otro competencia
y na maart el a haya invitacion pa bay Las VEGAS
representando Aruba. Robert Silva awor su meta ta
logra yega Olimpiada na Tokio na 2020 y nos como
mayor nos ta apoye!