Page 22 - MIN SJA 29 OCT 2015

32 AWEMainta Diahuebs, 29 Oktober 2015

Participacion Museo Arqueologico na ‘Community Day’ Aruba Reggae Festival 2015

Bin traha cadena y ‘tinkler’
di Indian, experiencia un
Sjamaan y hopi mas

MUSEO Arqueologico ta orguyoso

di a ser acerca pa ‘One Love Aruba
Foundation’ pa ta participante den
e Community Day di Aruba Reggae
Festival 2015 como e institucion di
nos “Roots” di Aruba.
Den e cuadro aki Museo lo trece
parti di su Festival Indian como
tambe un ‘Pop-Up Expo Experience’
den tema di Sjamanismo na San
Nicolaas.
Asina creando espacionan educativo
y recreativo pa henter famia durante
e festival.

E ‘Pop-Up Expo Experience’ lo
cuminsa riba diasabra dia 7 di
november caba durante e anochi di
concierto y lo sigui riba diadomingo
dia 8 di november durante e
‘Community Day’ entre 4 di merdia
pa 10’or di anochi.
EExpoakisigurlocreaunexperiencia
mistico pa tur bishitantenan.
N’e Kids Zone Museo lo trece
actividadnan di ‘crafts’ como tambe
workshops musical y dinamico y
hopi mas di nos Festival Indian
cu tabata un gran exito pa grandi
y chikito den vakantie grandi na
Museo.

Un di e metanan di Museo ta pa
‘reach out’ na nos comunidad cu
actividad y projectonan, asina
informando y educando henter nos
comunidad di nos herencia cultural.
Museo ta considera e ‘Community
Day’ na Carnival Village un
oportunidad fabuloso pa trece
Museo Arqueologico na San
Nicolaas.
Bin uno, bini tur disfruta di nos
actividadnan di ‘Festival Indian’
diadomingo dia 8 di november
cuminsando for di 4’or di merdia na
Carnival Village San Nicolas.