Page 17 - Min.Jus 12jan'15

Comparti

Diadomingo a bai na cas di minister Dowers den oranan di atardi pa asina logra un entrevista riba e
actividadnan di carnaval. Sigur pa loke ta Fakkel 2015 pasobra el a move tur caminda. A haya e
mandatario den cushina preparando Dinner pa esnan na cas prome cu e sali pa Hulanda dialuna pa
atende asuntonan di trabou.
Durante di e prome actividad grandi di Carnaval 2015, Minister Arthur Dowers tabata presente durante
henter anochi y despues di Fakkel a bishita e Warda di Polis di Oranjestad unda cu sub-fiscalnan y
Cuerpo Policial tabata trahando duro riba tur e casonan di detencion. Durante di e parada y despues 27
persona a wordo deteni. E total di boetnan cu a wordo duna e diasabra anochi a yega e suma di Afl.
15.450; esun di mas halto tabata di Afl. 2400. Ademas, e titular di husticia a añadi, den oranan tempran
di mainta polisnan a atende un caso di tiramento tambe, unda cu a detene cuater persona. El a bisa cu no
kier mira presencia di arma den nos comunidad y Cuerpo Policial y Douane ta hibando un bataya fuerte
contra importacion y posecion di arma ilegal, pero pa esunnan cu si pasa polis ta hopi atento pa haya nan
y kita nan for di caya mas lihe posibel. Minister Dowers a bisa cu Fakkeloptocht a bay bon. Tabatin mas
of menos 150 polis riba pia, adicional banda di esunnan cu ta riba patruya regular. E preparacion y
coordinacion a bay hopi bon y tabata den man di sr. Soemers. E mandatario a bisa cu Husticia a manda
un señal bon cla pa tur hende kico e consecuencianan lo ta di nan accionnan for di sla. Minister Dowers
mes tambe a comparti riba su pagina di Facebook e sumanan considerabel di boet cu lo wordo aplica den
e temporada di Carnaval.

Comentarionan (2)

Mustra/Kita comentarionan
wel-wel
January 11, 2015
2 0 1 .2 2 9 .1 0 .1 6
Votes: +0

...
Esaki ta un comentario di mas kens cu mi por a mira aki. Awo ta bon ta polis ta instiga hende. wel-wel. Ta polis a
duna nan di bebe burachi pa nan haja chance pa detene nan pa cobra boet den e snelrecht. Ma ta di con pa kico
motibo polis mester stop y para un bringamento, Polis laga nan bringa bay off te ora nan fada di bringa, porta e ora
ey e hende nan lo ta contento y nan lo sinja. Wel-Wel tin hende sa comenta stranjesa. Pa no uza otro palabra.
rock

January 11, 2015
2 0 1 .2 2 9 .4 7 .1 3 9

Votes: -1

...