Page 31 - AWEMAINTA
P. 31
Diamars, 9 Januari 2018 AWEMainta 31
Corsou
E prome 2 mortonan di trafico
WILLEMSTAD - Diadomingo 7 janüari 2017,
alrededor di 20.55 or Central di Polis a haña no-
tificacion cu riba Sero Fortunaweg na altura di un
establecimento, un auto a alcansá dos(2) peaton y
cu nan situacion ta hopi grave.
Na yegada di e patruya policial, nan a bin topa cu e
un hòmber drumí abou y un otro homber cu tabata
pegá den windshield di un auto.
Niun di e dos víctimanan aki no tabata duna señal
di bida. For di un investigacion preliminar cu Po-
lis a realisá n’e sitio a resultá cu e hòmbernan aki
probablemente a baha for di un di nan su vehículo
pa bay cruza caya (Sero Fortunaweg) pa bay na un
establecimento cu tin riba e caya mencioná.
Pa un motibo cu te n’e momento aki ta bao di inves-
tigacion, un auto conducí pa un dama kende tabata
core riba e caminda aki a alcansá ámbos peaton cu
e consecuensia ya mencioná.
E víctimanan a ricibí multiple lesion na nan curpa
y alrededor di 22.15 or y 22.20 or dòkter di Po-
lis a constatá morto di respectivamente: 1. Erwin
Severino DJAOEN, nace na Còrsou 8 janüari 1947
(falta un dia p’e haci 71 aña): 2. Harold Benito
DJAOEN, nacé na Còrsou, 3 april 1948 (69 aña).
A confiscá e vehículo envolví pa mas investigacion.
E investigacion den e caso aki ta continuá.
