Page 133 - MIN VOS

Minister Alex Schwengle: Lista largo di espera tin atencion di
gobierno tambe

Monday, 26 June 2017 18:26
Comparti

Ta custumber cu AZV ta manda hende afo. Segun Minister Schwengle, ningun hende gusta warda. Si bo
bay haci compras, bo tin un rij di 20 hende bo dilanti, bo no ta bay gusta. Pero bo ta warda si. Pasobra bo
sa cu bo tin mester di bo comestibles y bo ta paga pe. E ta djis ningun hende no gusta warda.

Esey ta un hecho. Minister tampoco no gusta warda largo. Si tin un emergencia, na e momento cu tin
algo urgente pa opera, e ta wordo opera awe. Esey no ta asina cu nan ta core peliger. Pa evalua pa manda
un grupo grandi afo pa opera, ta un gasto adicional e ora riba e presupuesto. E ora e minister tin cu bay
wak ta di unda ta saca e cen. Kier mira pa haci inversionnan cu ta hustamente bay baha nos temponan di
espera structuralmente y si awor aki bay inverti hopi placa di manda hopi hende afo, locual ta di
compronde, ta algo politicamente great, e minister lo score fantasticamente cun’e, pero e ora no ta bay
tin e cen e ora pa bay haci inversionnan structuralmente pa elimina tur lista di espera structuralmente.
Ta un escogencia duro, pero e placa no ta sin limite. Den e espacio cu e minister tin cu a dun’e pa e por
ehecuta su maneho financiero den cuido, e ora a haci un escogencia cu ta bay inverti structuralmente
entre otro mas dokter di cas, enfermeronan specialisa POH, pa drecha e prome liña, vooral eynan y cu e
doorstroming pa e di dos liña ta bay baha. A scoge pa inverti den ImSan y HOH pa hustamente crea mas
facilidad, entre otro mas sala di operacion, cu structuralmente ta bay trece un mehoracion grandi pa nos
tempo di espera. Y ta trahando cu manpowerplanning cu ta basta up to date.

Sa cu falta specialista, entre otro ginecologo, dos neurologo, un KNO arts. No falta hopi specialista, pero
pa un isla chikito, e pipita di specialista cu falta, tin su efecto. Eynan ta trahando duro pa bin cu un
solucion structural. Un di e sugerencianan ta, ta pa hunto cu Amsterl Academie y Vrije Universiteit na
Amsterdam, pa bay forma un partnership hunto cu AZV pa crea un fondo, caminda cu Gobierno lo bay
paga pa e tiki specialistanan cu falta cada biaha, pasobra no ta hopi tin cu bay den opleiding cada aña.
Por lo menos un specialista mester drenta pa specialisacion cada aña pa keda mantene poule necesario
cu tin mester di dje y e ora laga haci e seleccion di e miho Arubiano cu lo fit den e luga y e ora e miho
Arubiano eynan lo wordo paga via e fondo aki, mara na un contract cu e lo mester bin traha minimo
tanto aña ora e caba, pa pais Aruba. E ta un verkapte vorm di studieopdracht, pero e ta profesional e ora
y leu di man di politica. Si bay hinca un studieopdracht den man di un politico, sa caba kico e ta bay pasa
y el a yega di pasa. Ora tal colo ta na mando, tal colo so ta haya studieopdracht. Esey bo no ta garantisa
pueblo e miho calidad tampoco. Esey ta un plan basta curu ainda. E minister ta trahando riba dje lihe,
pero e ta rekeri su tempo, pues tin cu haci e huiswerk bon.