Page 135 - MIN VOS

Pa Januari 2018 Gobierno ta desea pa PAAZ cay bao di GGZ,
pero e ta bay ta un consecion temporario

Monday, 26 June 2017 18:22
Comparti

Tabata bezig cu varios cambio pa loke ta PAAZ. Sindicato a keha cu ta bezig y nan no sa. Minister Alex
Schwengle a splica cu esaki tabata un mal comunicacion of tardansa den comunicacion. Tabata tin
palabra cu lo duna e informacion debido y na su tempo. A bisa nan si cu kico tabata bezig.

No cu nan no tabata sa cu lo bin un GGZ, pero esaki tabata mas avansa cu nan mes a spera y nan a haya
un informacion cu no tabata full corecto of no bisa na e manera corecto. Esey ta trigger un preocupacion
grandi, loke ta di compronde. No por djis touch zomaar e derecho di un trahado. GGZ ta un fundacion cu
a wordo lanta aña pasa y el a wordo activa recientemente. E intension di GGZ ta pa bay hinca tur cuido
mental bao di un solo capa. Ta bay tin un parti ambulatorio y un parti intramoral cual ta PAAZ. Prome a
kere cu lo por a cuminsa cu e parti ambulatorio so y djey hink’e den dos fase PAAZ bao di dje y den di tres
fase e Verslavingszorg. Na final expertonan a bisa pa hinca alvast PAAZ caba aden y for di PAAZ crea e
dos areanan ambulatorio, cual ta bay tin uno na Playa y uno na San Nicolas. Rond di 8 hende lo bay traha
den cada un di nan. E accento lo bay ta riba cuido ambulatorio y cuido preventivo. Ta nifica cu kier
detecta e problemanan psikico y psikiatrico na un edad mas hoben posibel, pasobra ta net e ora por trece
recuperacionnan y trata pa evita cu e por bira un problema cronico. Esey por haci’e door di un fact team.
Un team ambulatorio p’ariba di brug y uno pabao di brug. Alabes tambe mester toch PAAZ den GGZ. E
informacion eroneo ta cu nan a bisa cu per 1 di Januari 2018, zomaar nan ta bay over. No ta asina, segun
e Minister. E persona cu a duna e informacion aki, a dun’e poco bruto. Segun e minister, nan ta desea pa
Januari 2018, Paaz ta bao di GGZ, pero e ta bay ta un consecion temporario. Riba un plan definitivo, tin
cu traha un convenio firma, unda cu nan ta keda cu nan derecho y obligacionnan ta keda manteni, pago
ta sigui via Hospital y e ora ta tuma sigur un aña pa bay sigui negosha riba un plan social. Na momento
cu e plan aki ta cla, e ora ta bay definitivo den GGZ nobo. E ta un cuestion cu lo bay gradualmente, den
un bon comprondemento cu tur partido. A papi’e y awor aki e sindicato ta trankilo. Nan a haya un
presentación tambe cerca e expertonan cu a trek aan e proyecto y no a tende mucho cos despues di esey.
Tin palabra cu lo sinta hunto cu nan pa tene nan na altura. Tambe nan ta tene e team di SPD na altura cu
na su debido tempo, ora e plan ta full cla, kico e ta bay bira exactamente y e ora ta bay sinta combersa cu
e persona cu ta traha na SPD con nan ta bay over den e team ambulatorio nobo. Teniendo cuenta cu tur
nan obligacion y derechonan tambe, segun minister Schwengle.