Page 23 - alex oct 22,2015

30 AWEMainta Diahuebs, 22 Oktober 2015

Venezuela su team ta preparando duro
pa Aruba Taekwondo Classic 2015

RECIENTEMENTE e team di

Tele Aruba tabata presente n’e
training di 11 atleta di Venezuela
cu ta preparando p’e Aruba Tae-
kwondo Classic 2015. Venezuela
lo enfrenta 11 atleta di Aruba selec-
ciona pa Alberto Klabér di Brazil
Taekwondo Stichting.

Jose Hernandez di Venezuela t’e
coach di e 11 atletanan aki y su
persona mes a scoge nan p’asina
representa nan bandera di Venezu-
ela aki na Aruba.
Su atletanan tin varios titulo y
aworaki nan kier bin enfrenta e
team di Aruba n’e Aruba Taekwon-
do Classic 2015.
Jose Hernandez ta hopi orguyoso
di su 5 dama y 6 cabayeronan cu ta
train duro pa Aruba.

Alberto Klabér di Brazil Taekwondo
Stichting no ta duda di tur locual
cu Jose Hernandez a manda bisa y
kier scoge e mihor atletanan for di
e scolnan di Taekwondo cu tin na
Aruba.
Tur atleta cu wordo scogi lo haña
e oportunidad unico aki p’asina
representa nan scol di Taekwondo
y e bandera di Aruba n’e Aruba
Taekwondo Classic 2015.
Aruba Taekwondo Classic 2015 ta
tuma lugar dia 21 di november na
Eagle Tennis Court cuminsando pa
7’or di anochi.

Alberto Klabér a wordo acerca pa
haci esaki posibel cu tur su exigen-
cianan pa duna e atletanan di Aruba
locual cu nan tabata sperando, un
intercambio di Aruba vs Venezuela.
E siman aki Alberto Klabér lo pasa
n’e scolnan di Taekwondo pa scoge
e 11 atletanan cu ta bay bringa con-
tra di Venezuela.
Manera cu tur e atletanan aki ta
conoci esaki lo wordo anuncia. Ta
bay tin un TK2 di damas y un TK2 di
mucha homber tambe, esaki lo bay
ta algo pa mira sigur y nos atletanan
lo bay bringa.